Dziarždep: Narmalizacyi adnosin ź Minskam nie budzie da zakančeńnia represij
Złučanyja Štaty nie majuć namieru vieści ź Biełaruśsiu spravy ŭ zvyčajnym paradku, u tym liku i ŭ dačynieńni da viartańnia svajho pasła ŭ Minsk, pakul jaje ŭłady praciahvajuć parušać pravy čałavieka.
Pra heta paviedamiŭ u sieradu kiraŭnik pres-słužby Dziarždepartamienta Ned Prajs na rehularnym bryfinhu dla žurnalistaŭ, paviedamlajuć infarmahienctvy.
«Niahledziačy na adklikańnie amierykanskaha pasła ŭ 2008 hodzie, my praciahvajem padtrymlivać dypłamatyčnyja adnosiny z uradam Biełarusi. My zaŭsiody spadziavalisia, što zmožam pieratvaryć ich u bolš narmalnyja dypłamatyčnyja adnosiny, što praciahvaje zastavacca našaj metaj. Pasoł [ZŠA] u Minsku maje žyćciova važnaje značeńnie dla hetych namahańniaŭ. A mahčymaść viarnuć pasła ŭ Minsk pasłužyła b mahutnym sihnałam, ale pakul u Biełarusi praciahvajucca parušeńni pravoŭ čałavieka, represii, nie budzie zvyčajnaha paradku viadzieńnia spraŭ [z ZŠA]», — skazaŭ dypłamat.
«Nie moža być zvyčajnaha viadzieńnia spraŭ, kali my nie ŭbačym źmieny ŭ pavodzinach z boku režymu Łukašenki ŭ Biełarusi», — dadaŭ Prajs, adkazvajučy na pytańnie ab viartańni pasła.
Pryznačany pasoł ZŠA ŭ Minsku Džuli Fišer, jakaja dahetul nie atrymała biełaruskuju vizu, moža być akredytavanaja ŭ Vilni.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary