Razbłakiroŭka ajfona ŭ mascy, novyja emodžy i mienš rekłamy: Apple vypuściła abnaŭleńnie
Kampanija Apple vypuściła doŭhačakanaje abnaŭleńnie apieracyjnaj sistemy. Ciapier ajfony i ajpady majuć nie tolki novyja funkcyi, ale i palepšanyja viersii papiarednich.
Karystalniki ajfonaŭ ciapier mohuć razbłakavać svoj telefon u mascy. Raniej funkcyja Face ID reahavała tolki na adkryty tvar, ale raspracoŭščyki paličyli takoje abnaŭleńnie važnym va ŭmovach pandemii. Adnak heta funkcyja budzie pracavać tolki pry najaŭnaści ŭ karystalnika Apple Watch, paviedamlaje BBC.
Akramia hetaha, u iOS dadali funkcyju, z dapamohaj jakoj karystalniki mohuć zabaranić mabilnym dadatkam adsočvać ich aktyŭnaść dla padboru rekłamy. Ciapier pry zapampoŭvańni kožnaha dadatka, jaki choča atrymać dostup da aktyŭnaści, karystalnika zapytajuć, ci dazvalaje jon adsočvać siabie.
U iOS źjavilisia novyja emodžy, siarod jakich baradataja žančyna, zabintavanaje serca, tvar u abłokach i inšyja. Bolš za toje, ciapier možna vybirać raznyja adcieńni skury ŭ parach z sardečkam.
Da taho ž, hałasavy pamočnik Siri ciapier budzie šmathałosym. Raniej Siri razmaŭlała tolki adnym tembram, zakładzienym u jaje raspracoŭščykami. Ale ciapier opcyj budzie bolš, i karystalniki zmohuć vybirać pryjemny dla ich tembr.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary