U Šviecyi praciahvajecca skandał z kredytavańniem biełaruskaj enierhietyčnaj prahramy
Švedzki telekanał TV4 pakazaŭ siužet ź Biełarusi z praciaham raśśledavańnia pra kredytnyja harantyi švedzkaha Ahienctva pa ekspartnych kredytach EKN na šmatmiljonnuju ździełku pamiž kampanijaj Siemens Turbomachinery AB i biełaruskimi dziaržpradpryjemstvami «Minskenerha» i «Brestenerha», piša «Radyjo Svaboda».
Raniej EKN krytykavali za toje, što jano dało harantyi ździełki, niahledziačy na parušeńni pravoŭ čałavieka na biełaruskich pradpryjemstvach. Kiraŭnik EKN i ministar źniešniaha handlu Švecyi byli vymušanyja davać tłumačeńni parlamentu.
Ciapier švedzkija ŚMI paviedamili, što ŭ zaklučeńni ŭhody brała ŭdzieł ambasadarka Švecyi ŭ Biełarusi.
Kiraŭnik švedzkaj Arhanizacyi padtrymki demakratyi va Ŭschodniaj Eŭropie Marcin Uhła napisaŭ u svaim fejsbuku:
«Vykryćcio prahramy Kalla Fakta ab roli Ministerstva zamiežnych spraŭ i ambasady Švecyi ŭ pahadnieńni, pavodle jakoha Ahienctva pa ekspartnych kredytach EKN dało kredytnyja harantyi, pakazvaje, što dasiahnutaje novaje dno. Stała zrazumieła, što havorka nie išła pra niedaśviedčanaść kiraŭnictva EKN, jakoje praź niekampetentnaść vypadkova zadavoliła zajaŭku, što było b samo pa sabie drenna. Ale ŭhoda była vynikam aktyŭnaj pracy Ministerstva zamiežnych spraŭ, jakoje było całkam infarmavanaje ab sytuacyi z pravami čałavieka ŭ Biełarusi, ab roli dziaržaŭnych kampanij u represijach łukašysckaj dyktatury suprać ułasnych hramadzianaŭ i ab poŭnaj pahardzie da pracoŭnaha zakanadaŭstva».
«Aŭtarytet Ministerstva zamiežnych spraŭ u pytańniach demakratyi i pravoŭ čałavieka mocna paciarpieŭ. Kab adnavić hety davier, nieabchodna praciahvać značna bolš kankretnyja dziejańni ŭ padtrymku demakratyčnaha ruchu, aktyŭnyja eŭrapiejskija sankcyi suprać režymu i sudovy pieraśled parušalnikaŭ pravoŭ čałavieka; taksama ŭrad pavinien dać vyrazny syhnał pra toje, što z usialakaj padtrymkaj Łukašenki i jaho režymu kančatkova skončana: bolš nijakaj dapamohi dziaržaŭnym subjektam, nijakich spraŭ z kampanijami režymu, nijakaj pabudovy adnosinaŭ z pradstaŭnikami dyktatury, ni centralizavana, ni na miascovym uzroŭni. U biezumoŭnaj padtrymcy Švecyi majuć patrebu biełaruskija demakraty, a nie Łukašenka i jaho saŭdzielniki».
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy15
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1616
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?16
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary