Zajaviŭ pieršy vice‑premjer Biełarusi Uładzimir Siamaška na sumiesnym pasiadžeńni pałaty pradstaŭnikoŭ i savietu respubliki.
Zajaviŭ pieršy vice‑premjer Biełarusi Uładzimir Siamaška 26 červienia na sumiesnym pasiadžeńni pałaty pradstaŭnikoŭ i savietu respubliki nacyjanalnaha schodu.
Na vyrašeńnie mienavita hetych prablem i buduć, u asnoŭnym, nakiravanyja dziejańni ŭrada, padkreśliŭ jon.
Siamaška paviedamiŭ, što da 20 lipienia ŭradavaja rabočaja hrupa pavinna raspracavać płan sistemnych mier pa źniešniehandlovaj zbałansavanaści ekanomiki. U im, u pryvatnaści, buduć adlustravanyja novyja padychody ŭ hrašova‑kredytnaj palitycy dziaržavy, pa abmiennym kursie biełaruskaha rubla i inšyja.
Asablivaja ŭvaha, pavodle słoŭ pieršaha vice‑premjera, nieabchodna nadać dyviersifikacyi rynkaŭ zbytu.
Peŭnyja pośpiechi ŭ hetym kirunku robiacca — u pryvatnaści, uzrastaje kolkaść rynkaŭ zbytu ŭ ES, skazaŭ jon.
«Adnak nieabchodna paskoryć hety praces, — padkreśliŭ Siamaška. — Pierśpiektyŭnyja rynki zbytu jość. Naprykład, u 2007 hodzie naš ekspart u Vieniesuełu ŭ paraŭnańni z 2006 hodam pavialičyŭsia ŭ siem razoŭ, u 2008 — u čatyry razy, za čatyry miesiacy hetaha hoda ŭ paraŭnańni z anałahičnym pieryjadam — jašče ŭ dva razy».
U jakaści pierśpiektyŭnych rynkaŭ Siamaška nazvaŭ Kazachstan, Ukrainu, krainy Paŭnočnaj Afryki i Piersidskaha zalivu.
Zakranajučy pytańnie techpieraŭzbrajeńnia, pieršy vice‑premjer zaznačyŭ, što pakul pramysłovaść «u asnoŭnym pracuje na savieckich vytvorčych fondach».
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary