Źniataja častka abmiežavańniaŭ na łabaratornyja ekśpierymienty z embryjonami
Ciapier možna budzie vyvučać embryjony, starejšyja za 14 dzion.
Mižnarodnaja hrupa ekśpiertaŭ admoviłasia ad zabarony rabić ekśpierymienty nad vyhadavanymi ŭ łabaratornych umovach embryjonami ŭ vypadku, kali hetyja embryjony starejšyja za 14 dzion. Takoje rašeńnie dazvolić rabić daśledavańni, jakija mohuć vyrašyć roznyja miedyčnyj pytańni — ad vykidyšaŭ da palapšeńnia vynikovaści ekstrakarparalnaha apładatvareńnia.
Praviła, što nielha rabić ekśpierymienty z embryjonami, jakim bolš za 14 dzion, isnuje ŭžo dziesiacihodździ ŭ šerahu krain, u tym liku ŭ Vielikabrytanii i Aŭstralii. Jano źjaviłasia ŭ rekamiendacyjach Mižnarodnaha tavarystva pa daśledavańni stvałavych kletak (ISSCR) i paźniej paŭpłyvała na navukovyja standarty va ŭsim śviecie, piša Guardian.
Ale ciapier ISSCR źmianiła svaju pazicyju. Umovy pracy z bolš stałymi embryjonami — dakładny analiz zapłanavanaha ekśpierymientu, jaho navukovaja apraŭdanaść i adsutnaść alternatyŭ, a taksama padtrymka hramadskaści i mahčymaść praviadzieńnia takoha ekśpierymienta zhodna ź miascovym zakanadaŭstvam.
U 1980-ja hody, kali praviła 14 dzion było ŭviedzienaje, redka atrymlivałasia vyhadavać u prabircy embryjon, starejšy za piać dzion. Ale navuka idzie napierad — u 2016 hodzie navukoŭcy zdoleli padtrymlivać čałaviečy embryjon žyvym i aktyŭnym na praciahu 13 dzion.
Novaje rašeńnie navukoŭcaŭ etyčna sprečnaje i sutykniecca z krytykaj jak cerkvaŭ, tak i fiłosafaŭ. Nie ŭsie dziaržavy pahodziacca dazvolić takija ekśpierymienty.
-
Sabaki suprać katoŭ: psichołahi vyśvietlili, chto ź ich bolš uźnimaje nastroj, a chto moža psichałahična naškodzić haspadaru
-
Navukoŭcy zmahli pračytać teksty papirusaŭ, abvuhlenych padčas vyviaržeńnia Viezuvija
-
U Kitai prezientavali pieršy ŭ śviecie samachodny ŭnitaz, jaki moža pieramiaščacca pa domie
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec12
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1616
Kamientary