abo pavysić jaho da 20% z admienaj šerahu płaciažoŭ.
Źniziŭšy padatkovyja płaciažy i nie pavysiŭšy PDV, budzie «vielmi i vielmi niaprosta» sabrać zapłanavanyja dachody ŭ biudžet,
zajaviŭ ministr ekanomiki Mikałaj Zajčanka na pres‑kanfierencyi 30 červienia, havoračy ab prapanavanych źmienach padatkovaj sistemy.
Ministr adznačyŭ, što navat z ulikam urezanych dachodaŭ «my nie źbirajem tych prybytkaŭ, jakija zapłanavany». U suviazi z hetym Minekanomiki prapanoŭvaje
«abo pakinuć usio jak jość, abo pieršuju častku realizavać (admianić advarotny padatak, što zastaŭsia, źnizić staŭku padatku na dachod, prybrać padatak z prodažu), ale pry hetym u jakaści kampiensavańnia pavysić PDV da 20% zamiest 22%»,
— skazaŭ Zajčanka. Choć i heta, ličyć jon, «vielmi i vielmi ryzykoŭna». Ciapier PDV składaje 18%.
Pavodle jaho słoŭ, z punktu hledžańnia kankurentazdolnaści pradukcyi schiema panižeńnia padatkaŭ i pavyšeńnia PDV była b «supiervyhadnaja» eksparcioram. Adnak nakont čystych imparcioraŭ, a taksama spažyŭcoŭ «jość pytańni», adznačyŭ Zajčanka. Ciapier heta pytańnie pa‑raniejšamu razhladajecca va ŭradzie.
Pavodle infarmacyi ministra, z 40 apytanych Minekanomiki pradpryjemstvaŭ na 32 ličać, što heta schiema im budzie vyhadnaja, bo dazvalaje pavysić kankurentazdolnaść: toje, što prapanoŭvajecca prybrać, tyčycca zatrat, tady jak PDV — heta padatak na spažyŭca.
Adnak efiektu ad panižeńnia padatkaŭ možna dasiahnuć, ličyć ministr, kali jość popyt na pradukcyju. «A kali popytu niama, to možna źnizić padatki, ale nie atrymać u vyniku ažyŭleńnia», — padkreśliŭ Zajčanka.
Niemetazhodnym pavyšeńnie staŭki PDV ličyć Administracyja prezidenta.Padčas pasiadžeńniaŭ Savieta pa raźvićci pradprymalnictva 26 červienia namieśnik kiraŭnika Leanid Anfimaŭ paviedamiŭ, što pa inicyjatyvie administracyi hetaje pytańnie było viernuta na dapracoŭku, bo da jaho nielha padychodzić pa pryncypie «siaredniaj tempieratury pa balnicy».
«My padtrymlivajem prapanovu (pradstaŭnikoŭ biźniesu. — BiełaPAN.) nie pavialičvać PDV», — skazaŭ čynoŭnik. Jon rastłumačyŭ, što ŭ vypadku pavyšeńnia padatku pradpryjemstvy musiać vyklučyć z abarotnych srodkaŭ značnyja sumy na vypłatu ŭvaznoha PDV i zastacca ni z čym, a patrebnaści ŭ hrašach pakryvać za košt darahich bankaŭskich kredytaŭ. Adnak hetaha, pavodle słoŭ Anfimava, nie vytrymajuć mnohija rehijanalnyja pradpryjemstvy.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary