U sieradu biełaruski forvard «Tomi» Siarhiej Karnilenka vylecieŭ ŭ Sankt‑Pieciarburh dla prachodžańnia miedahladu.
Kali abśledavańnie skončycca paśpiachova, biełaruski lehijanier zaklučyć z «Zienitam» kantrakt. Aficyjnyja asoby pieciarburskaha kłuba pakul admaŭlajucca ad kamientaroŭ.
Tym časam kiraŭnictva «Tomi» zajaŭlaje, što čynić pieraškodaŭ 26-hadovamu biełarusu nie budzie. Tomski kłub trapiŭ u najskładanaje finansavaje stanovišča, ad pačatku hodu hulcam tam nie płaciać zarobak.
Karnilenka - najlepšy bambardzir «Tomi». Jon u sioletnim čempijanacie Rasii zabiŭ za kłub šeść miačoŭ ź dzieviaci, praviedzienych kłubam.
Paśla sychodu biełarusa chto budzie zabivać miačy, zadajecca pytańniem u siońniašnim numary «Sport‑Ekspriess».
***
Siarhiej Karnilenka pačynaŭ karjeru ŭ viciebskim «Łakamatyvie-96», potym try siezony pravioŭ u minskim «Dynama» (2001-2003), nie zdoleŭ zamacavacca ŭ «Dynama» kijeŭskim, dosyć paśpiachova hulaŭ ŭ dnieprapiatroŭskim «Dniapry» (2005-2008), za jaki pravioŭ 80 matčaŭ i zabiŭ 23 hały. U «Toḿ» pierajšoŭ u žniŭni minułaha hodu.
Za nacyjanalnuju zbornuju Biełarusi zhulaŭ 30 matčaŭ (9 miačoŭ).
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary