Krynicy: U novym pakiecie sankcyj mohuć być piać bankaŭ, uklučna z Bankam raźvićcia, a taksama drevaapracoŭka i Biełtelekam

Pakiety naŭrad ci buduć pryniatyja raniej za kaniec kastryčnika. Krynicy adznačajuć, što ciapier amierykanskija i jeŭrapiejskija sankcyi ŭ dačynieńni Biełarusi imknucca da sinchranizacyi, i mohuć być pryniatyja adnačasova i ŭ adnolkavaj miery. 

Što tyčycca bankaŭ, dakładny śpis zabaronienych apieracyj pakul nieviadomy. Ale adznačajecca, što pa svaim efiekcie restrykcyi pieraŭzychodziać efiekt ad adklučeńnia śviftu, što moža aznačać poŭnuju zabaronu supracoŭnictva. 

Na hety momant suprać Biełarusbanka, Biełahraprambanka i Bielinviestbanka dziejničajuć jeŭrapiejskija sankcyi, jakija nie zabaraniajuć supracoŭnictva całkam, a abmiažoŭvajuć dostup na jeŭrapiejski rynak kapitału, a taksama finansavańnie dziaržaŭnych prajektaŭ. 

Jany ŭžo davoli baluča adbilisia na rabocie prynamsi Biełarusbanka, jaki, naprykład, nie moža dafinansavać vialiki i ambicyjny prajekt raspracoŭki Niežyskaha kalijnaha radovišča, bo kitajski bok admaŭlajecca pieravodzić reštu srodkaŭ. 

Krynicy: U Huceryjeva vialikija prablemy — kitajcy zamarozili 580 miljonaŭ dalaraŭ na budaŭnictva Niežynskaha kambinata

Taksama zachodnija karespandenty zhortvajuć supracoŭnictva, prymušajučy try vialikija banki šukać inšyja varyjanty pravodu valutnych płaciažoŭ. Ale heta adbyłosia paśla taho, jak amierykancy ŭnieśli finansavy siektar Biełarusi jak mahčymuju metu sankcyj u svoj dakumient, što vyznačaje mahčymyja nakirunki zabaron. 

Čytajcie taksama: Krynicy: zachodnija banki zakryli rachunki ŭ valucie Biełarusbanka, Biełahraprambanka i Bielinviestbanka. Heta katastrofa?

Jak dziejničajuć amierykanskija sankcyi, možna ŭbačyć na prykładzie Absalutbanka — jon nie moža pracavać z dalaram i asnoŭnymi płaciežnymi sistemami, u tym liku kartami. 

Kali ŭjavić, što toje ž samaje adbudziecca z tryma asnoŭnymi bankami, dzie absłuhoŭvajucca i kredytujucca dziaržaŭnyja eksparciory, a taksama stratnyja pradpryjemstvy, možna zrazumieć maštaby katastrofy.

Reputacyjny efiekt i nastupny vynas srodkaŭ jurydyčnych i fizičnych asob nielha acanić, ale možna pradbačyć. Resursy Nacbanka ŭ płanie pakryćcia takoha ŭdaru vyhladajuć sumnieŭnymi. 

Taksama abmiarkoŭvajucca sankcyi suprać «Biełtelekama», jaki źviazvajuć z novaj sistemaj tatalnaha videa-kantrolu i sačeńnia za trafikam karystalnikaŭ internetu. 

Čytajcie taksama: Siłaviki raskrytykavali Synesis i pieradali prava sačyć za biełarusami Biełtelekamu. Chto raspracuje novuju prahramu?

Aproč hetaha abmiarkoŭvajucca sankcyi suprać śfiery drevaapracoŭki, jakaja stała krynicaj valutnych pastupleńniaŭ u suviazi z rostam cenaŭ na budaŭničyja materyjały, a taksama pastražeńnie adkaznaści za apieracyi z naftaj, jakija ŭžo zabaronieny, ale praciahvajuć adbyvacca z dapamohaj schiem. 

• 0
• 0
• 0
• 0
• 0
• 0
• 0
• 0