Łaŭreatami Nobieleŭskaj premii pa miedycynie i fizijałohii ŭ 2021 hodzie stali Devid Džulius i Ardem Patapucijan. Premiju prysudzili za adkryćcio receptaraŭ tempieratury.
Pramaja tranślacyja abviaščeńnia pieramožcy viałasia na sajcie Nobieleŭskaha kamiteta.
«Łaŭreaty hetaha hoda dazvolili nam zrazumieć, jak tempieratura ci miechaničnaja siła inicyjujuć niervovyja impulsy, jakija dazvalajuć nam usprymać mir i adaptavacca», — zajavili ŭ Nobieleŭskim kamitecie.
U paviedamleńni padkreślivajecca, što vyjaŭlenyja nabielijatami «ionnyja kanały» rehulujuć najvažniejšyja fizijałahičnyja pracesy, u tym liku arteryjalny cisk i dychańnie, a vyniki daśledavańniaŭ vykarystoŭvajucca dla raspracoŭki mietadaŭ lačeńnia šyrokaha śpiektru zachvorvańniaŭ, piša RBK.
Vyniki daśledavańnia mohuć być vykarystany ŭ roznych halinach — ad miedycyny da virtualnaj realnaści i robatabudavańnia.
Džulius — fizijołah, pracuje ŭ Kalifarnijskim univiersitecie ŭ San-Francyska. Viadomy daśledavańniem receptaraŭ, jakija reahujuć na mientoł, harčyčny alej i kapsaicyn — kampanient piakučaha piercu, z-za jakich my adčuvajem piakotu. Patapucian — bijołah z navukova-daśledčaha instytuta Skrypsa, jaho pracy pryśviečanyja ionnym kanałam i receptaram, jakija aktyvujucca tempieraturaj, dakranańniem abo pavieličeńniem abjomu kletak, pieradaje TASS.
U aŭtorak, 5 kastryčnika, stanie viadomy ŭładalnik premii pa fizicy, u sieradu — chimii, u čaćvier — pa litaratury.
Łaŭreata premii miru abvieściać u Osła ŭ piatnicu, 8 kastryčnika.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary