Ahromnisty videaarchiŭ katavańniaŭ u rasijskich turmach dapamoh razdabyć biełaruski ajcišnik
Uvieś śviet u šoku ad videa z katavańniami, jakija adbyvajucca ŭ rasijskich turmach. Ich 5 kastryčnika apublikavała pravaabarončaja arhanizacyja Gulagu.net. Na kadrach — ździeki i fizičnyja, i seksualnyja z pacyjentaŭ turemnaj tubierkuloznaj balnicy ŭ Saratavie. Jak akazałasia, videaarchiŭ z amal 1000 fajłaŭ trapiŭ u ruki pravaabaroncaŭ dziakujučy biełaruskamu IT-inžynieru Siarhieju.
Jak raskazaŭ brytanskamu vydańniu Telegraph kiraŭnik arhanizacyi Uładzimir Asiečkin, biełarus sam znachodziŭsia ŭ Sarataŭskaj turmie i źviedaŭ na sabie ŭsie žachi źniavoleńnia. Siarhieja vymusili supracoŭničać z turemnaj słužbaj. Jak IT-śpiecyjalist, jon kiravaŭ kampjutarnaj sietkaj turmy i zabiaśpiečvaŭ dostup da videa z usioj rasijskaj turemnaj sistemy. Tak videafajły trapili da jaho ŭ ruki.
Uładzimir Asiečkin u razmovie z brytanskim žurnalistam nazvaŭ biełarusa «našym Edvardam Snoŭdenam». Usiaho IT-inžynieru ŭdałosia atrymać 40 Hb videa.
Užo ŭ dzień publikacyi žachlivaha videa načalnik UFSIN pa Sarataŭskaj vobłaści, pałkoŭnik unutranaj słužby Alaksiej Fiadotaŭ byŭ zvolnieny, pačalisia šmatlikija pravierki ŭ turemnaj sistemie. SK raspačaŭ kryminalnyja spravy. Dźvie — pa artykule ab hrupavym zhvałtavańni čałavieka, a jašče dźvie — pa artykule ab pieravyšeńni paŭnamoctvaŭ z užyvańniem hvałtu.
Napiaredadni viedamstva raspaviało ab jašče adnoj spravie pa artykule ab zhvałtavańni ŭ sarataŭskaj balnicy.
Pavodle pres-reliza SK užo rasśledavaŭ try spravy ab zhvałtavańni čatyroch čałaviek u turemnym špitali sa studzienia 2020 hoda pa maj 2021 hoda.
SK nie pryvodziać apisańnie epizodaŭ, jakija pačali rasśledavać.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ9
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary