Supracoŭniki Hienieralnaj prakuratury Ukrainy razam z pradstaŭnikami słužby biaśpieki zatrymali kolišniaha kiraŭnika kryminalnaj raźviedki MUS Ukrainy Alaksieja Pukača.
Supracoŭniki Hienieralnaj prakuratury Ukrainy razam z pradstaŭnikami słužby biaśpieki zatrymali kolišniaha kiraŭnika kryminalnaj raźviedki MUS Ukrainy Alaksieja Pukača, jakoha abvinavačvajuć u zabojstvie žurnalista Hieorhija Hanhadze.
Pukača zatrymali 21 lipienia ŭ Žytomirskaj vobłaści. Ciapier jon znachodzicca ŭ Hałoŭnym śledčym upraŭleńni Hienprakuratury.
Letaś apielacyjny sud Kijeva pryznaŭ vinavatymi ŭ zabojstvie žurnalista troch kolišnich supracoŭnikaŭ departamienta źniešniaha nazirańnia i kryminalnaj raźviedki MUS Ukrainy. Ich prysudzili da 12 i 13 hadoŭ pazbaŭleńnia voli.
Jašče adzin abvinavačany — kolišni kiraŭnik hetaha departamienta Alaksiej Pukač — znachodziŭsia ŭ vyšuku.
Zamoŭniki zabojstva dahetul nieviadomyja.
Hienieralny prakuror Alaksandr Miadźviedźka zajaŭlaŭ, što źniknieńnie Pukača, a taksama hibiel kolišniaha ministra ŭnutranych spraŭ Jurja Kraŭčanki ŭskładniaje rasśledavańnie kryminalnaj spravy pra arhanizatarŭ zabojstva žurnalista Hanhadze.
Hanhadze źnik 16 vieraśnia 2000 hoda ŭ Kijevie. U listapadzie taho ž hodu jahonaje abiezhałoŭlenaje cieła było znojdziena ŭ lesie. Nieŭzabavie paśla hetaha były major dziaržachovy Mikałaj Mielničenka abnarodvaŭ zapisy, nibyta zroblenyja ŭ kabiniecie tahačasnaha prezidenta Ukrainy Leanida Kučmy. Na stužcy hołas, padobny da Kučmavaha, daje zahad «razabracca z žurnalistam».
Ciapier čytajuć
65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?2
Kamientary