U suviazi z pavieličeńniem kolkaści biežancaŭ pa tak zvanym biełaruskim maršrucie hiermanski fiederalny prafsajuz palicejskich vystupaje za ŭviadzieńnie časovaha pamiežnaha kantrolu na miažy pamiž FRH i Polščaj.
Kiraŭnik prafsajuza Chajka Tehac u liście da fiederalnaha ministra ŭnutranych spraŭ Chorsta Ziejechofiera papiaredziŭ ab niebiaśpiecy «kałapsu» na miažy, pakolki kolkaść mihrantaŭ, zatrymanych na miažy, «raście amal vybuchova» ŭžo niekalki miesiacaŭ, piša Deutche Welle.
Pavodle haziety, Tehac adznačyŭ u liście ministru, što kolkaść vyjaŭlenych nielehalnych ujezdaŭ praź miažu z Polščaj u ciapierašni čas roŭnaja adpaviednamu pakazčyku na aŭstryjskaj miažy ŭ 2013 hodzie.
Prafsajuzny lidar zajaviŭ ab «istotnaj dadatkovaj nahruzcy» na niamieckich palicejskich, a taksama pra «značnuju ryzyku dla zdaroŭja», bo ŭzrovień zachvorvańnia na karanavirus SARS-CoV-2 u krainach, adkul prybyvajuć mihranty, zastajecca vielmi vysokim.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1313
Kamientary