U niadzielu, 19 lipienia, dniom u rajonnuju balnicu Vilejki zajšoŭ mužčyna. Padniaŭsia na šosty pavierch u reanimacyjnaje adździaleńnie, pachadziŭ pa kabinietach i ŭ adnym ź ich z sumački miedsiastry vyciahnuŭ 40 tysiač rubloŭ.
«Narmalnaha čałavieka ŭ tuju reanimacyju nichto nie puścić, a niejkaha prajdziśvieta — kali łaska, — kaža namieśnik načalnika rajadździeła milicyi Andrej Dudarčyk. — Dy jašče byccam by dla taho, kab naviedać chvoraha siabra».
Kali złodziej z hrašyma vychodziŭ z balnicy, miedsiostry zapadozryli niadobraje. Spynili jaho, vyklikali milicyju i trymali da pryjezdu apieratyŭnaj hrupy. Milicyjaniery zavieźli padazronaha ŭ kradziažy ŭ adździeł. Skradzienyja hrošy znajšli ŭ… trusach zatrymanaha.
Viarnulisia ŭ balnicu, kab pad raśpisku hrošy viarnuć paciarpiełaj i… niedaličylisia piaci tysiač. Padumali, što kupiura mahła vypadkova zhubicca ŭ mašynie, u jakoj vazili złamyśnika ŭ adździeł i nazad. Abšukali ŭsiu mašynu, nie znajšli.
Kupiura ŭ piać tysiač rubloŭ, skručanaja ŭ maleńki šaryk, znajšłasia ŭrešcie ŭ kišeni zatrymanaha. Niejkim čynam jon umudryŭsia ŭ druhi raz skraści i schavać kali nie 40, to chacia b piać tysiač rubloŭ.
-
U Minsku ŭ 72‑hadovaha piensijaniera znajšli patrony, porach i vintoŭku z hłušycielem
-
U Naroŭli na pažary zahinuli 73‑hadovaja piensijanierka i dvoje jaje praŭnukaŭ — 5‑hadovaja dziaŭčynka i 10‑hadovy chłopčyk
-
U Čerykaŭskim rajonie mikraaŭtobus sutyknuŭsia ź lesavozam. Zamiest mašyny kuča mietałałomu, kiroŭca zahinuŭ
Kamientary