Minabarony RF zajaviła ab zaviaršeńni vučeńniaŭ, 10 tysiač vajskoŭcaŭ adpraviacca ŭ punkty pastajannaj dysłakacyi. Raniej ŚMI sa spasyłkaj na spadarožnikavyja zdymki pisali ab praciahu naroščvańnia vojskaŭ RF na miažy.
Ministerstva abarony Rasii abviaściła pra zaviaršeńnie vajennych vučeńniaŭ na miažy z Ukrainaj. «Bolš za 10 tysiač vajskoŭcaŭ u składzie padraździaleńniaŭ zrobiać maršy ŭ punkty pastajannaj dysłakacyi z terytoryi ahulnavajskovych palihonaŭ», — paviedamlajecca ŭ pres-relizie Minabarony RF, apublikavanym u subotu, piša Deutsche Welle.
Jak adznačajecca ŭ paviedamleńni, na praciahu miesiaca manieŭry prachodzili, u pryvatnaści, u Astrachanskaj, Vałhahradskaj i Rastoŭskaj abłaściach, na Staŭrapolli i Kubani, u respublikach Paŭnočnaha Kaŭkaza i ŭ anieksavanym Krymie.
Pry hetym u hetych pamiežnych vajskovych častkach budzie padtrymlivacca «vysokaja bajavaja hatoŭnaść», dla čaho «na pieryjad navahodnich śviataŭ buduć pryznačanyja dziažurnyja padraździaleńni, srodki ŭzmacnieńnia», — zajavili ŭ Minabarony.
Naroščvańnie rasijskich vojskaŭ na miažy z Ukrainaj pačynajučy z kastryčnika stała vyklikać zaniepakojenaść va Ukrainie i ŭ krainach Zachadu. Lidary zachodnich dziaržavaŭ aścierahajucca, što Maskva rychtujecca da vajny. Padčas videasamitu 7 śniežnia prezident ZŠA Džo Bajden pryhraziŭ rasijskamu lidaru Uładzimiru Pucinu «žorstkimi sankcyjami, u tym liku ekanamičnymi» ŭ vypadku vajennaj eskałacyi kanfliktu z Ukrainaj.
-
Epatažny śpiavak Oliver Tree i jašče piać čałaviek zahinuli ŭ Brazilii paśla sutyknieńnia viertalotaŭ
-
Pucin pavinšavaŭ Trampa z 80‑hodździem i zajaviŭ, što čakaje Zialenskaha ŭ Maskvie. Kreml śćviardžaje, što prezident ZŠA paabiacaŭ uździejničać na Kijeŭ
-
Tramp śpiašajecca padpisać mir ź Iranam da svajho 80-hodździa, ale Tehieran nie źbirajecca rabić takoha padarunka
Kamientary