Vypravadziła žycharka Dziatłava znajomuju z chaty.
Vypravadziła piensijanierka znajomuju z chaty. Zdareńnie adbyłosia ŭ v. Ližejki Dziatłaŭskaha rajona.
U dom da 76‑hadovaj piensijanierki zajšła znajomaja z susiedniaj vioski. Jak paviedamlaje pres‑słužba HUUS Hrodzienskaha abłvykankama, sumiesnaje raśpićcio ałkaholu skončyłasia ciažkimi cialesnymi paškodžańniami, pryčynienymi hości.
Pavodle słoŭ staršaha śledčaha Dziatłaŭskaha RAUSa pryčyna nieapraŭdanaj ahresii z boku haspadyni pakul nieviadomaja.
Nijakija śpirtnyja napitki nie raśpivalisia i znajomaja sama spravakavała kanflikt, admoviŭšysia pakidać pamiaškańnie, tamu joj samoj pryjšłosia vypravadžvać jaje siłaj. Ale zaklučeńnie ekśpierta admaŭlaje hety fakt: zhodna ź im paciarpiełaj naniesiena kala 10 udaraŭ pałkaj i jašče stolki ž udaraŭ kuchonnym nažom.
Pavodle č1 art. 147 KK «naŭmysnaje pryčynieńnie ciažkaha cialesnaha paškodžańnia» praduhledžvaje abmiežavańnie svabody ad 3 da 5 hadoŭ (u dadzienym vypadku jano nie moža być pryznačanaje padazravanaj z‑za ŭzrosta) ci pazbaŭleńnie svabody na termin ad 4 da 8 hadoŭ.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary