Dola Rasii ŭ ahulnym abjomie srodkaŭ, što nadyšli ŭ biełaruskuju ekanomiku ŭ pieršym paŭhodździ, pavialičyłasia ŭ dva razy – z 33% do 66%. A dola ŭ pramych inviestycyjach — až 87%.
Va ŭmovach aŭtarytaryzmu i prarasijskaj aryjentacyi inviestary prychodziać pieravažna ŭ uschodu. Dola Rasii ŭ ahulnym abjomie srodkaŭ, što nadyšli ŭ biełaruskuju ekanomiku ŭ pieršym paŭhodździ, pavialičyłasia ŭ dva razy – z 33% do 66%.
Pa pramych inviestycyjach dynamika jašče bolš uražvaje – pryrost z 16% da 86%, paviedamlaje «Ježiednievnik».
Usiaho pa statystycy abjom inviestycyjaŭ, što pastupili ŭ Biełaruś za studzień‑červień 2009 hodu, skłaŭ 4,23 młrd dalaraŭ, u tym liku pramych – 2,48 młrd dalaraŭ.
Amal 45% z ahulnaha abjomu pryciahnienych resursaŭ prypali na pradpryjemstvy Minenierha – 1,9 młrd dołaraŭ. Pa pramych inviestycyjach dola enierhietyčnaha siektar jašče bolšaja: kala 70%, albo ŭ hrašovym vyjaŭleńni 1,72 młrd dołaraŭ. Liderstva Minenerha całkam tłumačalnaja: u lutym hetaha hodu «Hazprom» zapłaciŭ za čarhovyja 12,5% akcyjaŭ «Biełtranshazu».
Druhoje miesca pa abjomach atrymanych srodkaŭ zaniaŭ u 1‑m paŭhodździ kancern «Biełnaftachim», pradpryjemstvy jakoha pryciahnuli 837,28 młn dołaraŭ. Absalutna ŭsie hetyja resursy – kredyty, jakija pryciahvalisia ŭ asnoŭnym na zabieśpiačeńnie ekspartna‑impartnych apieracyjaŭ u naftavaj halinie.
Adznačym dobry pakaźnik pryvatnaha siektaru. Jurydyčnyja asoby bieź viedamasnaj padnačalenaści zdoleli va ŭmovach kryzisu pryciahnuć 1,37 młrd dołaraŭ, ź jakich amal pałova (719,62 młn dołaraŭ) prypała na pramyja inviestycyjnyja ŭkładańni.
Rasija, a kankretniej – «Hazprom» i naftavyja kampanii, stali asnoŭnymi krynicami resursaŭ dla biełaruskaj ekanomiki. Na dolu rasijan pryšłosia 66,7% usich srodkaŭ, što pastupili (2,86 młrd dołaraŭ), a pramych inviestycyjaŭ — až 86,6% (2,14 młrd dołaraŭ).
Proci anałahičnaha pieryjadu minułaha hodu ahulny abjom rasijskich inviestycyjaŭ pavialičyŭsia ŭ 2,6 razy, a pramyja ŭkładańni – u 10,1 razy.Rasija prykmietna abychodzić pa abjomach układzienych srodkaŭ u Biełaruś inšyja krainy‑inviestary, bolšaść ź jakich, naadvarot, istotna źmienšyli inviestavańnie.
Ź pieršaj dziesiatki hałoŭnych krain‑inviestaraŭ u biełaruskuju ekanomiku pryrost układańniaŭ u paraŭnańni z 1‑m paŭhodździem minułaha hodu zabiaśpiečyli akramia Rasii tolki Aŭstryja i Niderłandy. Abjom inviestycyjnych resursach z Čechii zachavaŭsia na minułahodnim uzroŭni. Najbolš istotnaje źmianšeńnie płyniaŭ nazirałasia z Šviejcaryi, Łatvii i Vialikabrytanii.
Ź pieršaj dziesiatki krainaŭ, jakija stali hałoŭnymi krynicami pramych inviestycyjaŭ u 1‑m paŭhodździ (Rasija, Šviejcaryja, Kipr, Hiermanija, Vialikabrytanija, ZŠA, Litva, Łatvija, Livan i Estonija), akramia rasijan abjomy ŭkładańniaŭ pavialičyli tolki litoŭcy. Samaje značnaje skaračeńnie abjomaŭ pramych inviestycyjaŭ — z Estonii, Šviejcaryi (bolš čym u 4 razy), a taksama z Kipru i Hiermanii.
Kamientary