Staličnaja milicyja rasśleduje kryminalnuju spravu ŭ dačynieńni da byłoha zahadčyka kafiedry fizičnaha vychavańnia i sportu adnaho sa staličnych VNU.
Kryminalnaja sprava ŭ dačynieńni da byłoha supracoŭnika univiersiteta pavodle č.3 art. 210 KK była zaviedzienaja 16 lipienia pavodle vynikaŭ praviadzieńnia pravieračnych mierapryjemstvaŭ padraździaleńniaŭ pa baraćbie z karupcyjaj i ekanamičnymi złačynstvami HUUS i Pieršamajskaha RUUS.
Jak paviedamiła pres‑słužba HUUS Minharvykankama, były zahadčyk kafiedry padazrajecca ŭ tym, što jon z 1 studzienia 2005 pa 31 traŭnia 2009 hodu fiktyŭna zajmaŭ pasadu na pałovu staŭki dacenta kafiedry, jakuju jon uznačalvaŭ. Takim čynam, padazravanamu inkryminujecca vykarystańnie słužbovaha stanovišča z metaj zavałodvańnia bujnoj sumy.
Bolš za 20 miljonaŭ rubloŭ jon atrymaŭ ŭ jakaści zarabotnaj płaty i ŭznaharodžańnia za praviadzieńnie praktyčnych mierapryjemstvaŭ pa fizičnaj kultury sa studentami ŭ spartyŭnych załach i adkrytych placoŭkaŭ. Ale padčas śledstva było vyjaŭlena, što takija zaniatki padazravanym amal nie pravodzilisia.
Ciapier kryminalnaja sprava znachodzicca ŭ stadyi rasśledavańnia, źbirajecca nieabchodnaja baza, paśla čaho jana budzie nakiravana ŭ sud. Sankcyi častki 3 artykuła 219 KK praduhledžvajuć pakarańnie ŭ vyhladzie pazbaŭleńnia svabody na termin da 10 hadoŭ z kanfiskacyjaj majomaści i z pazbaŭleńniem prava ŭ dalejšym zajmać peŭnyja pasady.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary