Šachmatny sajt Chess.com nie budzie błakavać karystalnikaŭ z Rasii i Biełarusi
Najbujniejšy šachmatny sajt Chess.com ličyć kontrpraduktyŭnaj izalacyju hramadzian Biełarusi i Rasii ŭ svaim servisie. Pad błakavańnie trapiać tolki hulcy, jakija znachodziacca pad sankcyjami suśvietnaj supolnaści, havorycca ŭ zajavie papularnaha servisu.
«Chess.com nie błakuje dostup usich rasijskich i biełaruskich hulcoŭ da našaha sajtu i mierapryjemstvaŭ. My ličym kontrpraduktyŭnaj izalacyju ni ŭ čym nie vinavatych hramadzian Rasii i Biełarusi ad suśvietnaj supolnaści. Udzieł u suśvietnaj supolnaści važny dla raspaŭsiudžvańnia praŭdy», — havorycca ŭ zajavie.
Choć Chess.com nie błakuje i nie abmiažoŭvaje ŭlikovyja zapisy, apracoŭka płaciažoŭ u ciapierašni čas zabłakavanaja dla ŭsich asnoŭnych płaciežnych sistem u Rasii i Biełarusi.
Udzielniki, jakija ŭ ciapierašni čas majuć aktyŭnaje premium-siabroŭstva na sajcie, pakul nie zakranutyja; adnak paśla zakančeńnia terminu dziejańnia hetaha siabroŭstva jano nie budzie praciahnuta.
U zajavie taksama asudžajecca ahresija Rasii ŭ dačynieńni da Ukrainy i publikujecca zaklik da spynieńnia vajny.
Raniej Mižnarodnaja šachmatnaja fiederacyja (FIDE) paviedamiła, što nie budzie pravodzić aficyjnyja spabornictvy i mierapryjemstvy ŭ Biełarusi i Rasiei. Akramia hetaha, na mižnarodnych mierapryjemstvach FIDE zabaraniajecca vyviešvać ściahi i vykonvać himny Biełarusi i Rasii. 16 sakavika Fiederacyja adchiliła zbornyja Rasiei i Biełarusi ad turniraŭ pad svajoj ehidaj.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie16
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary