Palitviaźnia Vaładara Curpanava sudziać, kab znoŭ uzmacnić pakarańnie
Mahiloŭskamu aktyvistu, palitviaźniu Vaładaru Curpanavu chočuć pamianiać režym z kałonii na turmu.
U sudzie Viciebskaha rajona 20 krasavika adbyłosia sudovaje pasiadžeńnie «ab pieravodzie ŭ vypraŭlenčuju ŭstanovu inšaha vidu i źmienu ŭmovaŭ režymu» mahiloŭca Vaładara Curpanava, piša «Novy čas».
Pra sudovaje pasiadžeńnie nie paviedamili navat žoncy palitviaźnia. Vierahodna, ciapier Vaładara pieraviaduć ź Viciebskaj PK-3 u adnu z turmaŭ. Hetym viaźniu ŭzmocniać režym adbyćcia pakarańnia.
Viadoma, što ŭ Curpanava nie samyja prostyja adnosiny z administracyjaj kałonii — heta pryviało da dyscyplinarnych spahnańniaŭ i, jak vynik, pieravodu z kałonii ŭ turmu. Ciapier Curpanaŭ znachodzicca ŭ pamiaškańni kamiernaha typu ŭ adzinocie.
Palitviaźniu Vaładaru Curpanavu 4 červienia 2021 hoda prysudzili 2 hady kałonii ahulnaha režymu. Da hetaha jamu pryznačyli 3 hady «chimii».
Nahodaj da kryminalnaha pieraśledu aktyvista, asudžanaha da troch hadoŭ «chimii», stali dyscyplinarnyja spahnańni za parušeńnie ŭnutranaha paradku (art. 415 KK RB) padčas adbyćcia pakarańnia ŭ Kruhłym. Curpanaŭ nibyta byŭ pakarany za toje, što lažaŭ i siadzieŭ na łožku ŭ niesankcyjanavany čas, a jaho spalnaje miesca nie było zaścielenaje naležnym čynam, a asabistyja rečy lažali na tumbačcy kala łožka.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary