Łukašenka: Ja krytykuju kankretna hałavaciapstva kankretnych kiraŭnikoŭ Rasii

«Ja krytykuju kankretna hałavaciapstva kankretnych kiraŭnikoŭ Rasijskaj Fiederacyi», — zajaviŭ Alaksandr Łukašenka ŭ intervju rasijskaj haziecie «Iźviestija», ahienctvu ITAR‑TASS i telekanału «Rasija» 13 žniŭnia.

Tekst intervju apublikavany siońnia na sajcie «Iźviestij», videaviersija budzie pakazana 29 žniŭnia ŭ prahramie «Formuła ŭłady» na telekanale «Rasija».

Łukašenka padkreśliŭ, što rasijskaje kiraŭnictva taksama jaho krytykuje. «Jany ž mianie nie škadujuć. I naohuł, heta narmalny styl našych adnosinaŭ.

Kali b heta było z Polščaj, Hiermanijaj, ja b heta nie advažyŭsia, tamu što heta — čužyja faktyčna krainy. A ŭ nas — Sajuznaja dziaržava, — skazaŭ Łukašenka.

— Nu, napeŭna, ja zanadta ŭžo pierabiraju, kali inšym razam adkryta pačynaju ŭ adras rasijskich kiraŭnikoŭ štości kazać, ale jany hetaha zasłuhoŭvajuć. My sabie takoha nie dazvalajem, kab nas za heta krytykavali».

Na dumku Łukašenki, «rasijanie, elita palityčnaja Rasii, absalutna nie viedajuć, što adbyvajecca ŭ Biełarusi». «Voś jany pračytajuć u hadkich hazietach «Iźviestija», tam, Kommiersantie», «Niezavisimoj hazietie», dzie nienavidziać mnohija Biełaruś: a! Biełaruś na Zachad pajšła! Dyk vy ž raźbiaryciesia, kudy my pajšli pa aficyjnych kanałach. Vy ŭ mianie spytajcie, kudy my pajšli — na Zachad, na Uschod», — skazaŭ jon.

Prezident nahadaŭ ab prablemach z pastaŭkami biełaruskaha cukru i małaka ŭ Rasiju i padkreśliŭ pry hetym, što Biełaruś «nikoha prasić nie źbirajecca».

«Ciažka budzie, ciažka, ale vyžyviem. Ale što atrymaje ad hetaha naša bratniaja rodnaja Rasija? Što atrymaje ruski, rasijski narod? Što, znoŭ chočacca, kab my ŭviali miažu, Rasija ŭviała miažu z nami? Braty ci nie?», — spytaŭ Łukašenka.

Kažučy pra adnosiny Biełarusi ź Jeŭrasajuzam, prezident zaznačyŭ: «My na 45 prykładna pracentaŭ handlujem ź Jeŭropaj, miljardy dalaraŭ (…) Ja pavinien palityčna heta zabiaśpiečvać? Kali raniej Polšča, krainy Bałtyi, Uschodniaj Jeŭropy nie ŭvachodzili ŭ Jeŭrapiejski sajuz, samastojnymi byli, i my ź imi paprostu kantaktavali, to ciapier jany stali členami Jeŭrasajuza, i sami nie prymajuć mnohija rašeńni — asabliva ekanamičnyja, pa linii dypłamatyi, vizy i hetak dalej. A prymajuć hetyja rašeńni ŭ Brusieli, my vymušany ŭžo peŭnyja adnosiny abaraniać, dypłamatyčna zabiaśpiečvać, viedučy dyjałoh z Brusielem», — skazaŭ Łukašenka.

Nahadajem, siońnia ŭ Sočy zapłanavana sustreča prezidentaŭ Alaksandra Łukašenki z prezidentam Rasii Dźmitryjem Miadźviedzievym. Prezidenty majuć namier abmierkavać aktualnyja pytańni dvuchbakovaha supracoŭnictva i mižnarodnaha paradku dnia.

Taćciana Karaviankova, BiełaPAN.

• 0
• 0
• 0
• 0
• 0
• 0
• 0
• 0