Amierykanskaja kampanija Sylvamo Corporation źbirajecca pradać Śvietahorski celułozna-papiarovy kambinat u Leninhradskaj vobłaści, adzin z najbujniejšych vytvorcaŭ papiery ŭ Rasii. Jaho pradukcyja masava pradajecca i ŭ biełaruskich kramach.
Paśla pačatku vajny ŭ Rasii i Biełarusi ŭźnikli vialikija prablemy z ofisnaj papieraj. Z-za adsutnaści impartnych chimikataŭ vytvorcy stali rabić šeruju papieru zamiest biełaj. Da taho ž na jaje rezka ŭźlacieli ceny.
«My pryniali rašeńnie pakinuć Rasiju. My budziem rabić heta va ŭstanoŭlenym paradku i viadziom praces prodažu našaha rasijskaha biznesu.
My pracujem nad dasiahnieńniem pahadnieńnia i płanujem zaviaršyć hety praces u samyja karotkija terminy, uklučajučy atrymańnie adabreńnia našaha savieta dyrektaraŭ, a taksama nieabchodnych dazvołaŭ urada dla vykanańnia ździełki»,— havorycca ŭ materyjałach finansavaj spravazdačnaści kampanii Sylvamo Corporation za I kvartał 2022 hoda.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary