Suśvietnaja arhanizacyja achovy zdaroŭja nie rekamienduje ŭ nazvach vykarystoŭvać nazvy rehijonaŭ abo žyvioł.
Hiendyrektar Suśvietnaj arhanizacyi achovy zdaroŭja (SAAZ) Tedras Adanam Hiebreisus zajaviŭ pra namier źmianić nazvu virusa vospy małpaŭ, jaho raznavidnaści i vyklikanuju im chvarobu.
U SAAZ rastłumačyli, što nazva zachvorvańnia nie adpaviadaje rekamiendacyjam arhanizacyi, zhodna ź jakimi ŭ nazvach lepš nie vykarystoŭvać nazvy rehijonaŭ i žyvioł.
Pa słovach pradstaŭnika arhanizacyi, pry nazyvańni chvarob treba paźbiahać mahčymaści abrazić jakija-niebudź «kulturnyja, sacyjalnyja, nacyjanalnyja, rehijanalnyja, prafiesijnyja abo etničnyja hrupy».
Raniej z patrabavańniem pierajmienavać zachvorvańnie vystupiła hrupa navukoŭcaŭ. Jany skazali, što naratyŭ «dyskryminuje» i «styhmatyzuje» toje, što hety virus źviazany z Afrykaj. Pa ich słovach, usio bolš faktaŭ pakazvaje na toje, što virus nieprykmietna raspaŭsiudžvaŭsia ad čałavieka da čałavieka na praciahu doŭhaha času, adnak u ŚMI praciahvajuć sprabavać źviazać ciapierašniuju ŭspyšku z afrykanskimi krainami. Akramia taho, u miedyja rehularna ilustrujuć artykuły pra ŭspyšku zachvorvańnia ŭ Jeŭropie fatahrafijami afrykanskich pacyjentaŭ.
U Biełarusi jość svaja test-sistema dla dyjahnostyki vospy małpaŭ
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary