Ajcišnica na piensii stała achviaraj kibierašukancaŭ i straciła bolš za 32 tysiačy rubloŭ
Maładziečanskim rajonnym adździełam Śledčaha kamiteta zaviedzienaja kryminalnaja sprava ab kradziažy bolš čym 32 tysiač rubloŭ z kart-rachunkaŭ piensijanierki, jakaja pierad tym pracavała ŭ śfiery IT. 65-hadovaja žančyna stała achviaraj ašukancaŭ, jakija vykarystoŭvajuć Viber.
Jak paviedamlaje SK, dniom 13 červienia žančynie patelefanavaŭ nieviadomy i pradstaviŭsia supracoŭnikam słužby biaśpieki. Jon skazaŭ, što ad imia paciarpiełaj pastupiła mnostva zajavak na kredyty.
Žančyna zapanikavała. Paśla hetaha trubku ŭziaŭ inšy mužčyna i zajaviŭ, što jon milicyjant. U paćviardžeńnie navat dasłaŭ u mesendžar fatahrafiju «paśviedčańnia».
Dalej padklučyŭsia treci machlar. Hety «mieniedžar» pierakanaŭ žančynu pastavić na smartfon mabilnuju prahramu addalenaha dostupu i vykonvać jaho instrukcyi. U vyniku žančyna straciła 32 tysiačy rubloŭ.
«Charakterna, što paciarpiełaja da niadaŭniaha času zajmała kiraŭničuju pasadu ŭ adnoj z IT-kampanij i pa adukacyi matematyk. Jana zrazumieła, što, prytrymlivajučysia instrukcyj złamyśnikaŭ, dazvoliła im addaleny dostup da svajho mabilnaha telefona, a tyja — atrymali mahčymaść rasparadžacca jaje hrašovymi srodkami. Ale zrazumieła heta zanadta pozna», — adznačyli ŭ Śledčym kamitecie.
-
U Minsku ŭ 72‑hadovaha piensijaniera znajšli patrony, porach i vintoŭku z hłušycielem
-
U Naroŭli na pažary zahinuli 73‑hadovaja piensijanierka i dvoje jaje praŭnukaŭ — 5‑hadovaja dziaŭčynka i 10‑hadovy chłopčyk
-
U Čerykaŭskim rajonie mikraaŭtobus sutyknuŭsia ź lesavozam. Zamiest mašyny kuča mietałałomu, kiroŭca zahinuŭ
Kamientary