Alaksandr Łukašenka na sustrečy z pasłom Indyi ŭ Biełarusi Ełokam Randžanam Dža sprahnazavaŭ, jak budzie raźvivacca ŭsia płanieta.
Pa jaho słovach, płanieta budzie raźvivacca, aryjentujučysia na tuju častku Azii, u jakoj raźmieščanaja Indyja, tamu Biełaruś chacieła b znajści svajo miesca ŭ indyjskaj ekanomicy.
«Jak historyk, ja absalutna pierakanany ŭ tym (i heta my ŭžo z vami ŭbačym u najbližejšy čas), što ŭsia płanieta budzie raźvivacca, aryjentujučysia na tuju častku Azii, u jakoj raźmieščanaja Indyja. Vialiki Kitaj, vielizarnaja Indyja. Vielmi pierśpiektyŭnyja i dynamičnyja, jany buduć dyktavać modu ŭ najbližejšaj budučyni dla ŭsiaho śvietu. My vitajem takuju budučyniu płaniety i, naturalna, chacieli b znajści svajo miesca ŭ indyjskaj ekanomicy. Chacieli b karystacca i mieć padtrymku indyjskaj dziaržavy na ŭsich uzroŭniach. U daŭhu nie zastaniomsia», — padzialiŭsia svaim mierkavańniem Alaksandr Łukašenka.
Pavodle jaho słoŭ, padmurak adnosin dźviuch krain zakładvaŭsia jašče pry SSSR.
«Jon hłyboka ŭ našaj historyi, asabliva savieckaha pieryjadu. My zaŭsiody addavali pryjarytet u Savieckim Sajuzie supracoŭnictvu ź Indyjaj. Hety padmurak dazvalaje nam i siońnia budavać dobryja adnosiny z vašaj dziaržavaj i ŭ halinie palityki, i asabliva ŭ halinie ekanomiki», — skazaŭ Łukašenka.
Ałok Randžan Dža ŭ svaju čarhu pryznaŭsia, što dla jaho «vielizarny honar znoŭ sustrecca» z Łukašenkam. Pasoł nazvaŭ Biełaruś adnym z najvažniejšych partnioraŭ u rehijonie.
«I, jak ja ŭžo kazaŭ nie raz pry razmovach z pradstaŭnikami biełaruskaj ułady, adnosiny pamiž Biełaruśsiu i Indyjaj nie zaležać ad adnosin pamiž Indyjaj i inšymi partniorami, dziaržavami. Jak i Biełaruś, Indyja taksama prachodzić važnuju fazu raźvićcia i dla jaje budzie honaram sumiesna ź Biełaruśsiu ruchacca ŭ hetym kirunku i prajści hety šlach ekanamičnaha raźvićcia», — dadaŭ indyjski pasoł.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ9
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary