Dyrektaru babrujskaj firmy prysudzili try hady «chatniaj chimii» za ŭdzieł u pratestach
U sudzie Leninskaha rajona Minska vyniesieny prysud dyrektaru adnoj z babrujskich arhanizacyj Viktaru Arciomu. Sudździa Julija Šut pryznała jaho vinavatym pavodle art. 342 Kryminalnaha kodeksa i asudziła da troch hadoŭ abmiežavańnia voli biez nakiravańnia ŭ PUAT — «chatniaj chimii», piša «Viasna».
Zhodna z abvinavačvańniem, Arciom pryniaŭ udzieł u dvuch minskich Maršach na praśpiektach Pieramožcaŭ i Mašerava, a taksama na niekatorych vulicach. Jon nibyta prymaŭ aktyŭny ŭdzieł u mierapryjemstvach, dziejničaŭ sumiesna i ŭzhodniena z hrupaj asobaŭ.
Zhodna ź mierkavańniem dziaržabvinavačvańnia, padčas mierapryjemstvaŭ mužčyna taksama vykarystoŭvaŭ «u jakaści pratesnaj simvoliki pałatninu bieła-čyrvona-biełaha koleru, a taksama V-padobnyja žesty siarednim i ŭkazalnym palcami abiedźviuch ruk», a taksama «znachodziŭsia i ruchaŭsia ŭ składzie kałony, u tym liku na prajeznaj častcy».
Paśla ahučvańnia prysudu Viktar Arciom byŭ vyzvaleny ŭ zale suda.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary