ZŠA majuć namier zabaranić vykarystańnie, nazapašvańnie zapasaŭ, vytvorčaść i pieradaču supraćpiachotnych min, havorycca ŭ zajavie Administracyi prezidenta Džo Bajdena. Vašynhton biare na siabie abaviazalnictva źniščyć usie zapasy supraćpiachotnych min, za vyklučeńniem nieabchodnych dla abarony Paŭdniovaj Karei.
«Złučanyja Štaty nie buduć raspracoŭvać, vyrablać i nabyvać supraćpiachotnyja miny, vyvozić abo pieradavać ich, za vyklučeńniem vypadkaŭ, kali heta nieabchodna dla dziejnaści, źviazanaj z vyjaŭleńniem abo abiasškodžvańniem minaŭ i z metaj ich źniščeńnia, vykarystoŭvać ich za miežami Karejskaha paŭvostrava, dapamahać, zaachvočvać i padachvočvać kaho-niebudź za miežami Karejskaha paŭvostrava zajmacca jakoj-niebudź dziejnaściu, zabaronienaj Ataŭskaj kanviencyjaj», — havorycca ŭ paviedamleńni.
U 2020 hodzie tahačasny prezident ZŠA Donald Tramp admianiŭ uviedzienuju jaho papiarednikam Barakam Abamam zabaronu na prymianieńnie supraćpiachotnych min dzieści, akramia Karejskaha paŭvostrava. U Pientahonie tady paličyli, što heta abmiežavańnie moža pastavić amierykanskich vajskoŭcaŭ u niaroŭnaje stanovišča ŭ adnosinach da supiernika padčas boju.
Ciapier u śviecie zastanucca tolki dva bujnyja eksparciory zbroi, jakija pa-raniejšamu nie pryznajuć zabaronu supraćpiachotnych min — Rasija i Kitaj.
Ataŭskaja kanviencyja ab zabaronie supraćpiachotnych minaŭ była padpisanaja ŭ 1997 hodzie, jaje ŭdzielnikami źjaŭlajucca bolš za 160 krain śvietu.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary