Jakija ŭniviersitety padniali ceny na navučańnie i kolki ciapier buduć płacić studenty?
U siarednim ceny vyraśli na 10 adsotkaŭ. «Naša Niva» pahladzieła, kolki ciapier hrošaj vykładuć maładyja ludzi za hod navučańnia ŭ VNU.
Ilustracyjny zdymak
BDUIR
U zaležnaści ad fakulteta navučańnie na vočnym adździaleńni kaštuje ad 2600 da 4290 rubloŭ u hod. Samyja darahija — fakultet kampjutarnych sistem i sietak, fakultet infarmacyjnych technałohij i kiravańnia, inžynierna-ekanamičny fakultet.
Dla pieršakurśnikaŭ i druhakurśnikaŭ KSIS cana na navučańnie — 4290 rubloŭ (u minułym hodzie heta było 3900 rubloŭ).
Na hetym ža fakultecie cana na trecim kursie składzie 4165 rubloŭ, čaćviortym — 3095. U 2021-m košt byŭ 3790 i 2815 rubloŭ adpaviedna.
Na fakultecie kampjutarnaha prajektavańnia, fakultecie infakamunikacyj, fakultecie radyjotechniki i elektroniki (aproč adnoj śpiecyjalnaści) daviedziecca addać 3870 rubloŭ za pieršy kurs.
Dla zavočnikaŭ — pieršy i druhi kurs — cana na navučańnie składaje 1485 rubloŭ, dalej jana panižajecca da 1180 rubloŭ. Letaś dva pieršyja kursy navučańnia kaštavali 1280 rubloŭ.
BDMU
Z 2021-ha pa 2022 navučańnie pa śpiecyjalnaści «Stamatałohija» budzie składać 4404 rubli. U 2020-m studenty płacili na 400 rubloŭ mienš.
Dla studentaŭ, jakija pojduć vučycca pa śpiecyjalnaści «Lačebnaja sprava», «Piedyjatryja», cana —3766 rubloŭ. U paraŭnańni ź minułym hodam heta na 342 rubli bolš.
Samaja tannaja śpiecyjalnaść — «Miedyka-prafiłaktyčnaja sprava»: 3456 rubloŭ u hetym hodzie, raniej — 3142.
BDEU
Košt składzie 3181 rubiel (letaś — 2892 rubli) na vočnym adździaleńni dla pieršakurśnikaŭ, z druhoha hoda navučańnia — 3115 rubloŭ.
Za navučańnie na zavočnym adździaleńni treba budzie zapłacić 1135 rubloŭ. Heta na 103 rubli bolš, čym u minułym hodzie.
MDŁU
Vučoba na vočnaj formie navučańnia dla fakultetaŭ anhlijskaj movy, niamieckaj, ramanskich moŭ, pierakładčyckaha fakulteta i fakulteta kitajskaj movy (akramia śpiecyjalnaści «Linhvistyčnaje zabieśpiačeńnie mižkulturnych kamunikacyj») budzie kaštavać 3690 rubloŭ dla pieršaha kursa. Raniej heta było 3360 rubloŭ.
Pačynajučy z treciaha kursa cana budzie źmianšacca — 3660 rubloŭ. Letaś jana składała 3330 rubloŭ.
Dzionnaja forma navučańnia dla fakulteta mižkulturnych kamunikacyj i fakulteta kitajskaj movy pa śpiecyjalnaści «Linhvistyčnaje zabieśpiačeńnie mižkulturnych kamunikacyj» taksama ciapier kaštuje 3690 rubloŭ, u vypuskny kurs cana źnizicca da 1510.
Navučańnie na zavočnaj formie zaraz abydziecca ŭ 1360 rubloŭ (raniej heta było 1240).
Čytajcie taksama:
«Vinnaja kala 45 tysiač rubloŭ». Vypuskniki, jakija nie chočuć adpracoŭvać raźmierkavańnie, raskazvajuć, jak šukajuć hrošy
Ciapier čytajuć
Były ministr kultury Rusłan Čarniecki znajšoŭ sabie padpracoŭku9
Kamientary