Realnyja piensii biełarusaŭ praciahvajuć padać siomy miesiac zapar, heta vynikaje sa źviestak Biełstata. Nahadajem, hetyja vypłaty raźličvajucca z papraŭkaj na inflacyju. U červieni realnyja piensii skaracilisia na 3,2% u paraŭnańni z anałahičnym pieryjadam minułaha hoda, piša «Zierkało».
Realnyja piensii ŭ Biełarusi źnižajucca sa śniežnia 2021 hoda. Havorka idzie pra paraŭnańnie hetych vypłat da anałahičnaha miesiaca papiaredniaha hoda.
Kankretna ŭ červieni ŭ paraŭnańni z majem hetaha hoda realnyja piensii ŭpali na 1,1% da maja. Siaredniaja pryznačanaja červieńskaja piensija była na ŭzroŭni 550,4 rubla, jak i miesiacam raniej.
Va ŭradzie ŭ červieni nazvali asnoŭnuju ŭmovu, pry jakoj u Biełarusi mohuć pavysić piensii. Jak zajaviŭ namieśnik premjer-ministra Ihar Pietryšenka, pavieličeńnie hetych vypłat zaležyć ad rostu zarobkaŭ, a taksama ŭ cełym situacyi ŭ ekanomicy.
Situacyja ž u ekanomicy nie vielmi dobraja. U Biełarusi padaje VUP, a ekanomicy prahnazujuć niaprostyja časy.
Sioleta pracoŭnyja piensii pavyšali z 1 sakavika. Adnak hety rost źjeła razahnanaja inflacyja. U sakaviku košty na tavary i płatnyja pasłuhi vyraśli na 6,1% da papiaredniaha miesiaca, u krasaviku — na 1,6%, a ŭ traŭni — na 0,7%.
Čarhovaje pavyšeńnie pracoŭnych piensij pryznačana na 1 žniŭnia.
-
Štučny intelekt nie vaš supiernik, a vaš pamočnik. Daviarajcie inavacyjam, vam prosta daviadziecca ŭvieś čas padvučvacca
-
Narviehija stvaraje «Tinder dla navukoŭcaŭ i biznesu». Urad budzie apłačvać «pieršaje spatkańnie»
-
Amierykancy lubiać havaryć pra zaniapad Jeŭropy. Ale bolšaść jeŭrapiejcaŭ žyvie lepš za ich. Praŭda, jašče nie biełarusy
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary