Futbolnaja zbornaja Słavakii nie zachacieła hulać ź biełarusami doma
Fiederacyja futboła Słavakii admoviłasia pravodzić chatni matč Lihi Nacyj-2022/23 suprać Biełarusi ŭ svajoj krainie. Aficyjnym miescam praviadzieńnia matča, jaki adbudziecca 25 vieraśnia, nazvany stadyjon «TSK Arena» ŭ sierbskim horadzie Bačka-Tapoła.
Jak zajavili ŭ słavackaj futbolnaj fiederacyi, «z-za suśvietnaj palityčnaj situacyi» Słavakii «daviałosia prasić kiraŭnictva UEFA pravieści hetuju vieraśnioŭskuju sustreču na niejtralnaj terytoryi».
«Dziakujučy supracoŭnictvu i znosinam z UEFA i pradstaŭnikami kłuba ŭ Bačka-Tapoli my znajšli stadyjon, dzie budziem prymać supiernika ź Biełarusi», — adznačyli ŭ fiederacyi.
Futbolnyja ŭłady Słavakii abiacajuć, što dla zaŭziataraŭ matč projdzie ŭ zvyčajnym režymie, «jak byccam u Słavakii hulajem», navat niahledziačy na toje, što prodaž kvitkoŭ budzie arhanizavany tolki na sierbskich sajtach.
Zbornyja Biełarusi i Słavakii ŭžo sustrakalisia ŭ ciapierašnim rozyhryšy Lihi Nacyj. Biełarusy prymali słavakaŭ u «chatnim» matčy taksama ŭ Sierbii, u horadzie Novi-Sad, i prajhrała tam ź likam 0:1.
Paśla čatyroch turaŭ u hrupie S3 zbornaja Biełarusi zajmaje apošniaje, 4-je miesca z dvuma nabranymi ačkami. Vyšej jaje raźmiaścilisia Kazachstan (10 ačkoŭ), Słavakija (6) i Azierbajdžan (4). Kamandzie zastałosia pravieści tolki dva matčy — z Kazachstanam 22 vieraśnia i Słavakijaj 25-ha.
Ciapier čytajuć
Pačobut parazvažaŭ, ad čaho zaležyć budučynia Biełarusi8
Kamientary