Pierad čakanym zvarotam Pucina, jaki 20 vieraśnia tak i nie adbyŭsia, rasijanie stali cikavicca, jak źjechać z krainy i jak atrymać adterminoŭku ad vojska. Na heta źviarnuŭ uvahu kanał «Možiem objaśniť».
20 vieraśnia indeks zapytaŭ u Google pa słovazłučeńni «jak źjechać z Rasii» dasiahnuŭ maksimumu.
Heta adbyłosia na fonie zdahadak ab budučaj mabilizacyi ŭ RF i padrychtoŭcy da niezakonnych «refierendumaŭ» na akupavanych terytoryjach Ukrainy.
Pik zapytaŭ pryjšoŭsia na 18:00, vynikaje z danych Google Trends.
Bolš za ŭsio pytańnie emihracyi cikaviła žycharoŭ Chabaraŭskaha kraju, jaki miažuje z Kitajem.
Taksama na aŭtorak pryjšoŭsia ŭsplosk zapytaŭ rasijan pa temie mabilizacyi. Ale jon mienšy, čym u mai (kali hetaja tema aktyŭna abmiarkoŭvałasia pierad Dniom Pieramohi). Najbolš aktyŭna hetaj temaj cikaviacca žychary Biełharodskaj vobłaści.
U hety ž dzień rasijanie stali huhlić temu adterminovak ad vojska. Pik pryjšoŭsia na 13:00 — paśla pieršych paviedamleńniaŭ ab mahčymaj mabilizacyi.
Ciapier čytajuć
U Biełarusi aryštavali francuzskaha adstaŭnoha vajskoŭca, jaki zachaplajecca ciahnikami. Užo try miesiacy jon u SIZA4
Kamientary