MZS Hruzii vydała zajavu ŭ suviazi ź vizitam Łukašenki ŭ Abchaziju, nie nazyvaje jaho «prezidentam»
Ministerstva zamiežnych spraŭ Hruzii asudziła parušeńnie Alaksandram Łukašenkam dziaržaŭnaj miažy Hruzii padčas jahonaj pajezdki ŭ akupavanuju Rasijaj Abchaziju. Pra heta havorycca ŭ admysłovaj zajavie źniešniepalityčnaha viedamstva.
«Ministerstva zamiežnych spraŭ Hruzii vykazvaje hłybokuju zakłapočanaść u suviazi z pajezdkaj Alaksandra Łukašenki ŭ akupavanuju Rasijaj Abchaziju i sustrečaj z pradstaŭnikami rasijskaha akupacyjnaha režymu ŭ Suchumi», — zajavili ŭ MZS krainy.
U Hruzii pajezdku rasceńvajuć jak parušeńnie dziaržaŭnaj miažy.
«Ministerstva zamiežnych spraŭ Hruzii asudžaje parušeńnie Alaksandram Łukašenkam dziaržaŭnaj miažy Hruzii ź jaho tak zvanym vizitam u akupavany rehijon Abchaziju, što hruba parušaje asnoŭnyja pryncypy i normy mižnarodnaha prava», — havorycca ŭ zajavie.
Hruzinski bok zaklikaŭ Biełaruś pavažać suvierenitet i terytaryjalnuju cełasnaść Hruzii.
«Zaklikajem biełaruski bok pavažać suvierenitet i terytaryjalnuju cełasnaść suvierennaj dziaržavy ŭ jaje mižnarodna pryznanych miežach i nie pradprymać dziejańniaŭ, jakija supiarečać asnovatvornym pryncypam mižnarodnaha prava», — adznačyli ŭ MZS Hruzii.
Źviartaje na siabie ŭvahu toje, što ŭ zajavie MZS Hruzii nie vykarystoŭvajecca ŭ dačynieńni da Alaksandra Łukašenki termin «prezident».
Prezident Hruzii Sałomie Zurabišvili taksama vykazała abureńnie vizitam Łukašenki ŭ Abchaziju. Jana abvinavaciła jaho ŭ parušeńni dvuchbakovych adnosin i mižnarodnaha prava:
«Ja rašuča asudžaju vizit Alaksandra Łukašenki ŭ akupavanuju Abchaziju. Heta niedapuščalnaje parušeńnie zakona Hruzii «Ab akupavanych terytoryjach», našych dvuchbakovych stasunkaŭ i pryncypaŭ mižnarodnaha prava».
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm14
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary