Pieršy biełaruski noŭtbuk zapuściać u masavuju vytvorčaść u listapadzie
U pačatku vieraśnia Łukašenka pachvaliŭsia pieršym biełaruskim noŭtbukam vytvorčaści Horizont. Užo ŭ listapadzie jon pastupić u sieryjnuju vytvorčaść, śćviardžaje hiendyrektar chołdynhu «Haryzont» Juryj Predka ŭ efiry telekanała STV.
Pavodle jaho, pradpryjemstva hatova pradstavić u prodaž bolš jak 80 madelej.
«Sieryjnaja i masavaja vytvorčaść pačniecca ŭ listapadzie. My ŭžo atrymali i zaklučyli kantrakty, zakazy. Siońnia my stvaryli prahramu pieršaha ŭzroŭniu. I jany ŭstanoŭleny buduć na kampjutarach», — skazaŭ Predka.
Akramia noŭtbukaŭ, u vytvorčaść zapuściacca elektronny błok, mini-kamputar, manitory. Pavodle hiendyrektara, da kanca hoda možna budzie ŭbačyć bolšaść z navinak.
Ci budzie ŭsio heta ŭ handli, nie zrazumieła. Predka skazaŭ, što na pradpryjemstvie pierabudavali svaju palityku prodažaŭ, usio rychtujecca tolki na zamovu i na składy ničoha nie adpraŭlajecca.
Pavodle jaho, sankcyi ci nie na karyść pajšli pradpryjemstvu, prynamsi, pavodle hiendyrektara, pradpryjemstva vyjšła «na ŭnikalny abjom».
« My vyrablajem u miesiac i pradajem bolš za 200 tysiač televizaraŭ. Raniej u hod rabili 200 tysiač, a siońnia — u miesiac», — skazaŭ hiendyrektar chołdynhu.
Predka adznačyŭ, što z kanca minułaha hoda na niekatoruju pradukcyju «Haryzonta» źniziłasia adpusknaja cana: na 15 pracentaŭ, naprykład, stali tańniejšymi televizary.
Pavodle jaho, «Haryzont» vyrablaje i adhružaje pradukcyju ŭ 18 krain, ale kanjunktura «krychu źmianiłasia».
Raniej paviedamlałasia, što biełaruski noŭtbuk budzie kaštavać ad 1300 rubloŭ u zaležnaści ad kamplektacyi.
Čytajcie taksama:
«Biełaruskimi tam mohuć być tolki humovyja nožki i nalepka «N». Što za noŭtbuk moh vypuścić «Haryzont»
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary