Zatrymanaha zavuć Andrej Famin, jamu 28 hadoŭ. Viadoma pra jaho niašmat: jon rodam z Mahilova, ale žyŭ u Minsku. Skončyŭ Biełaruskuju dziaržaŭnuju akademiju mastactvaŭ. Pracavaŭ kapirajtaram.
U videa jon kaža, što nibyta byŭ redaktaram i aŭtaram artykułaŭ dla sietki haziet «Vieśniki». Taksama za heta jon byccam by atrymaŭ hrošy — ale sumy, jakija jon nazyvaje, byli čysta simvaličnyja (za dva hady pracy ahułam 700 dalaraŭ). Mahčyma, tak jaho prymusili skazać siłaviki.
Zhodna ź infarmacyjaj ad aktyvistaŭ inicyjatyvy ByProsvet, jakaja zajmajecca raspaŭsiudam pratesnaha samvydu, Andrej nie mieŭ dostupaŭ da akaŭntaŭ hazietaŭ i nie viedaŭ tych, chto raspaŭsiudžvaje ich u Biełarusi. Akaŭnt «Vieśnikaŭ» taksama nie zachopleny.
«Vieśniki» — heta kolišniaja sietka abłasnych pratesnych haziet, stvoranaja ŭ vieraśni 2020 hoda. U sakaviku 2022-ha jana abjadnałasia ŭ hazietu «Biełaruski vieśnik». Drukujuć i raspaŭsiudžvajuć haziety aktyvisty dvaravych čataŭ i łakalnych inicyjatyvaŭ.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary