Zatrymany biełaruski siektavied Aleh Nahorny. Jamu pahražajuć kryminalnaj spravaj za antyvajennyja publikacyi
Videa ź im źjaviłasia na praŭładnych telehram-kanałach.
Alehu Nahornamu 41 hod, i jon z Žodzina. Jon kala dziesiaci hadoŭ uznačalvaje prajekt «Supraćsiekta», jaki zajmajecca baraćboj z tym, što tradycyjnyja relihii nazyvajuć siektami. Taksama jon viadzie błoh «Dziažurny siektavied», dzie vykładaje svaje razvažańni. Nahorny — aŭtar brašury «Ekstrasensornaje čytańnie», dzie apisanyja truki psieŭda-ekstrasensaŭ i mahaŭ.
Nahorny — adzin z samych viadomych pravasłaŭnych siektaviedaŭ u Biełarusi. Raniej jon rehularna vystupaŭ na roznych pravasłaŭnych imprezach i forumach.
Z pačatkam vajny va Ukrainie Nahorny zaniaŭ praŭkrainskuju pazicyju i na vośmy dzień vajny napisaŭ adkryty list da viadomaha pravasłaŭnaha prafiesara Alaksieja Osipava z takimi słovami:
«<…> Padtrymlivajučy vajennaje ŭvarvańnie va Ukrainu, pravasłaŭnyja Rasii i Biełarusi zdradžvajuć svaim ukrainskim bratam i siostram u Chryście <…> Mnie zdajecca, chryścijanin nie moža apraŭdvać amaralnuju, złačynnuju i zachopnickuju vajskovuju «previentyŭnuju» ahresiju ŭ adras inšaj suvierennaj dziaržavy, tym bolš sumieščanuju z vajennymi złačynstvami i zabojstvami cyvilnych hramadzian, navat u intaresach vyžyvańnia svajoj dziaržavy. A vam?»
U svaich publikacyjach Aleh Nahorny asudžaje ŭvarvańnie i krytykuje tych dziejačaŭ pravasłaŭnaj carkvy, jakija padtrymali vajnu.
Za heta HUBAZiK prapanuje pravieryć jaho publikacyi na pradmiet «raspalvańnia nianaviści da ruskich» i zavieści na mužčynu kryminalnuju spravu.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary
U lubym vypadku, ni prynaležnaść da pravasłaŭnaj relihijnaj siekty, ni vykazvańni suprać vajny rasiejskich fašystaŭ z ukrainskim narodam, ni navat monabroŭ – nie mohuć być pryčynami dla zatrymańnia. Słabaviki buduć raźvivacca pad vietram na staŭbach.