Biełarusy zmohuć prahałasavać na «Jeŭrabačańni-2023» razam z usim śvietam
Jeŭrapiejski viaščalny sajuz upieršyniu ŭ historyi dazvoliŭ hledačam z krain, jakija nie ŭdzielničajuć u konkursie, taksama vybirać pieramožcu. Acenki žury buduć uličvacca tolki ŭ hrand-finale.
Marcin Esterdał, vykanaŭčy kiraŭnik piesiennaha konkursu «Jeŭrabačańnie», skazaŭ pra źmieny:
«Na praciahu svajoj 67-hadovaj historyi piesienny konkurs «Jeŭrabačańnie» pastajanna raźvivaŭsia, kab zastavacca aktualnym i zajmalnym. Hetyja źmieny pryznajuć vielizarnuju papularnaść šou, nadajučy bolš mocy aŭdytoryi najbujniejšaj u śviecie padziei žyvoj muzyki.
U 2023 hodzie tolki hledačy piesiennaha konkursu «Jeŭrabačańnie» vyrašać, jakija krainy trapiać u hrand-finał, i, uličvajučy hłabalny ŭpłyŭ padziei, kožny, chto hladzić šou, dzie b jon ni žyŭ u śviecie, zmoža addać svoj hołas za lubimyja pieśni.
Taksama, choć da vyrašeńnia kančatkovaha vyniku i pryciahvajecca žury muzyčnych prafiesijanałaŭ, usie pieśni ŭ hrand-finale možna acanić pavodle maksimalna šyrokich kryteryjaŭ.
My taksama zmožam padtrymlivać tradycyju padarožničać pa Jeŭropie i Aŭstralii, kab sabrać bały i zabiaśpiečyć zachaplalnuju paśladoŭnaść hałasavańnia ź pieramožcam, vyjaŭlenym tolki ŭ samym kancy šou».
«Jeŭrabačańnie» 2023 hoda maje prajści ŭ Vialikabrytanii, choć, pavodle pravił, uvohule haspadyniaj konkursa pavinna być Ukraina, jakaja vyjhrała jaho ŭ 2022-m. Ale jana z-za vajny hetaha zrabić nie moža.
Biełaruś jak niepasrednaja ŭdzielnica konkursu ŭ im udzielničać nie zmoža, bo jašče letaś biełaruskaje telebačańnie vyklučyli ź Jeŭrapiejskaha viaščalnaha sajuzu, jaki arhanizuje piesienny konkurs.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary