Pry budaŭnictvie tunela pamiž novymi stancyjami mietro raku Śvisłač puściać pa novym rečyščy
Pry budaŭnictvie tunela, jaki złučaje novyja stancyi mietro «Piarespa» i «Prafsajuznaja», spatrebicca pieraadoleć vodnuju pieraškodu — raku Śvisłač. Hałoŭny inžynier prajektaŭ «Minskmietraprajekt» Pavieł Niepačałovič raskazaŭ, jak heta zrobiać, piša telehram-kanał DVA «Minskbud».
Pa słovach śpiecyjalista, pierad tym, jak pačnuć budavać tunel, raku «pierapuściać». Na ŭčastku Śvisłačy spačatku zrobiać vodapanižeńnie, a zatym ustalujuć aharodžu, jakaja padzielić rečyšča na dźvie častki. Adna płyń budzie iści ŭ zvyčajnym kirunku, dla druhoj umacujuć adchony i ŭstalujuć žalezabietonnuju plitu 50 sm taŭščynioj.
Kali plita stanie tryvałaj, vodny strumień nakirujuć na hatovuju pałovu i zojmucca bietanavańniem druhoj.
Ad uzroŭniu vady manalitnaja paduška budzie adstupać dzieści na paŭtara mietra. Takim čynam budzie zabiaśpiečana abarona pierahonnych tunelaŭ ad pastupleńnia vady i prasiadańnia hruntu, rastłumačyŭ Pavieł Niepačałovič.
Jak pišuć Minsk-Naviny, pry budaŭnictvie pieršaj linii staličnaha mietrapalitena na ŭčastku pamiž «Kastryčnickaj» i «Płoščaj Pieramohi» Śvisłač puskali praz 10 trub dyjamietram 1,2 m, a da hetaha zbudavali ziemlanuju dambu. Tunel praz rečyšča raki praviali za 12 dzion.
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było44
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było4
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary