«Jon darosły». Rasijski pasoł patłumačyŭ, čamu jaho syn nie vajuje va Ukrainie
Pasoł Rasii ŭ Vialikabrytanii Andrej Kielin daŭ intervju VVS. Padčas razmovy ŭ jaho spytali i pra toje, ci vajuje jaho syn va Ukrainie. Adkaz dypłamata vyhladaŭ dziŭna.
— Vaš syn vajuje va Ukrainie? — zapytałasia žurnalistka VVS.
— Moj syn užo darosły, u jaho jość siamja. Jon nie vajuje va Ukrainie.
— Jak by vy siabie adčuvali, kali b jon adpraviŭsia na pieradavuju?
— U hety momant ja nie baču takoj mahčymaści, bo jon nikoli nie byŭ navučany vajennaj spravie, u jaho niama adpaviednaj prafiesii. Ale heta, kaniečnie, moža zdarycca, čamu nie.
— Jaho mohuć pryzvać?
— Mohuć. Nie ciapier, bo pryzyŭ byŭ skončany niekatory čas tamu, nabrana dastatkovaja kolkaść sił dla abarony terytoryj, jakija ciapier uvachodziać u skład Rasijskaj Fiederacyi (tak pasoł nazvaŭ akupavanyja ŭkrainskija ziemli. — NN).
Nahadajem, u vieraśni Pucin abviaściŭ ab «častkovaj mabilizacyi». Tydzień tamu rasijskija telehram-kanały abmiarkoŭvali prykmiety taho, što Kreml rychtujecca da druhoj chvali mabilizacyi. U pryvatnaści, jany raspaŭsiudzili ŭ sietcy fota pozvy, atrymanaj pieciarburžcam, jakomu było zahadana źjavicca ŭ vajenkamat u studzieni 2023 hoda nasupierak zajavie Uładzimira Pucina ab zakančeńni častkovaj mabilizacyi 31 kastryčnika. Sam Kreml takija namiery admaŭlaje.
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary