Mahiloŭski «sienatar» zapatrabavaŭ puskać u arhanizacyi tolki pravieranych śviataroŭ
Na niadaŭnim sieminary ŭ Mahiloŭskim dziaržaŭnym univiersitecie abmiarkoŭvali ŭdaskanaleńnie mižkanfiesijnych adnosin, piša Mahiloŭ.media. Siarod inšych vystupoŭcaŭ byŭ člen Savieta Respubliki Aleh Dziačenka, ad jakoha ŭdzielniki mierapryjemstva daviedalisia, što nie ŭsie śviatary adnolkava karysnyja.
Na abmierkavańnie padčas sieminara byli vyniesienyja pytańni relihijnaha ekstremizmu, dziejnaha zakanadaŭstva pry praviadzieńni masavych relihijnych mierapryjemstvaŭ, prafiłaktyki pracy pa niedapuščeńni parušeńniaŭ praviłaŭ pažarnaj biaśpieki i zachavanaści majomaści ŭ kultavych budynkach, a taksama vydzialeńnia i vykarystańnia relihijnymi arhanizacyjami ziamielnych učastkaŭ.
Asabliva rezka vystupiŭ namieśnik staršyni Pastajannaj kamisii Savieta Respubliki Nacyjanalnaha schodu Respubliki Biełaruś pa adukacyi, navucy, kultury i sacyjalnym raźvićci Aleh Dziačenka. Jak paviedamili «Mahiloŭskija viedamaści», čynoŭnik padkreśliŭ nastupnyja tezisy:
«Kali my zaprašajem śviataroŭ u škoły i arhanizacyi, my pavinny być upeŭnienyja, što hetyja ludzi vychodziać u masy z pravilnymi pasyłam. Kali relihija ŭzajemadziejničaje z hramadstvam, my pavinny być pierakananyja, što jana — naša apora, praź jakuju my budziem vyrašać zadačy, źviazanyja z kampanijaj 2024-ha i 2025 hadoŭ (majucca na ŭvazie vybarčyja kampanii). Relihija nie pavinna supiarečyć normam prava, a taksama ahulnaj ideałohii dziaržavy, akazvajučy niapravilny ŭpłyŭ na čałavieka, prykryvajučysia «boskaj», heta značyć ekstremisckaj šyrmaj».
Z hetaha vykazvańnia vynikaje, što «ekstremistami» mohuć być pradstaŭniki jakoj zaŭhodna kanfiesii, i ich usich treba staranna praviarać, pieršy čym puskać u škoły i arhanizacyi. Jak heta zrabić i pavodle jakich kryteryjaŭ, nie akreślivałasia.
Jak vykazałasia adna z udzielnic sieminara pa jaho zakančeńni, praściej prosta zabaranić lubym śviataram prychodzić va ŭstanovy, čym raźbiracca, chto ź ich ekstremist, a chto «naš čałaviek», a potym palacieć sa svajoj pasady.
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu25
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary