Sud nad kiraŭnikami Biełaruskaha kanhresa demakratyčnych prafsajuzaŭ pačniecca 20 śniežnia
Sud nad staršynioj BKDP Alaksandram Jarašukom, jaho namieśnikam Siarhiejem Antusievičam i supracoŭnicaj ofisa BKDP Irynaj But-Husaim pačniecca 20 śniežnia. Praces adbudziecca ŭ Minskim haradskim sudzie.
Pavodle infarmacyi na sajcie Viarchoŭnaha suda, prafsajuznyja aktyvisty abvinavačvajucca pa dvuch artykułach KK: č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich) i č. 3 art. 361 (zakliki da mieraŭ abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy).
Zhodna sa źviestkami pravaabaroncaŭ, art. 342 inkryminujecca ŭsim traim, 361 — tolki Jarašuku, jaki raniej publična vystupaŭ suprać sankcyj.
BKDP abjadnoŭvaŭ Svabodny prafsajuz Biełaruski, Svabodny prafsajuz mietalistaŭ, Biełaruski prafsajuz rabotnikaŭ radyjoelektronnaj pramysłovaści i Biełaruski niezaležny prafsajuz.
25 listapada pačaŭsia sudovy praces nad aktyvistami biełaruskich niezaležnych prafsajuzaŭ — palitviaźniami Hienadziem Fiadyničam, Vasilom Bieraśnievym i Vacłavam Areškam.
Ich abvinavačvajuć ŭ zaklikach da mier abmiežavalnaha charaktaru, nakiravanych na pryčynieńnie škody nacyjanalnaj biaśpiecy Respubliki Biełaruś (č. 3 art. 361 Kryminalnaha kodeksa), raspalvańni inšaj sacyjalnaj varožaści (č. 3 art. 130), stvareńni ekstremisckaha farmiravańnia albo ŭdziele ŭ im (č. 1 i č. 3 art. 361-1 Kryminalnaha kodeksa).
Lidaraŭ prafsajuzaŭ zatrymali ŭ siaredzinie krasavika. Tady byli zatrymanyja 15 čałaviek.
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary