Łukašenka pra zajavy Mierkiel: Jana pastupiła brydka. Lepš siadzieła b i nie vyłaziła
Eks-kancler Niamieččyny Anhieła Mierkiel pastupiła drobiazna i brydka, zrabiŭšy niadaŭnija zajavy nakont mirnych pieramoŭ u Minsku i zaklučanych niekalki hadoŭ tamu Minskich pahadnieńniaŭ pa ŭrehulavańni situacyi va Ukrainie. Pra heta Alaksandr Łukašenka zajaviŭ u Biškieku, adkazvajučy na pytańni žurnalistaŭ, piša BiełTA.
«Pavinien vam skazać, ja Uładzimiru Uładzimiraviču (Pucinu) svoj punkt hledžańnia nakont hetaha vykazaŭ. Kali heta tak było b, jak jana kaža, heta ahidna. Ale heta nie tak. I toje, jak jość nasamreč, heta nie prosta ahidna — heta brydka. Mierkiel… ja taksama hetaha nie čakaŭ. I prezident Rasii ab hetym skazaŭ: jon nie čakaŭ takoha vypadu ad Anhieły Mierkiel. Jana pastupiła drobiazna, brydka. Jana choča być u trendzie. Minskija pahadnieńnia i pazicyja Mierkiel, jak i inšych, u tym liku i Parašenki, byli tady vielmi surjoznyja. Ujaŭlajecie, paśla minskich pasiadžeńniaŭ uvieś śviet kazaŭ pra toje, što narešcie zrabili krok i padpisali hetyja pahadnieńni. Skončyłasia vajna, pierastali hinuć ludzi. Usio heta pazityŭna aceńvali», — skazaŭ Łukašenka.
«Kali padmanvali i rychtavalisia da vajny, heta ahidna. A toje, što kaža siońnia Mierkiel, paŭtarajučy Parašenku, — heta brydka. Heta trend. I jany chočuć u im być. Druhoje — Mierkiel nie choča, kab jaje siońnia na fonie padziej va Ukrainie abvinavačvali: «Nu ty tam, ty ž jeździła z Ałandam, pradstaŭlała Jeŭropu, i ty šturchała Ukrainu nie tudy, kudy treba!» Jana pačynaje apraŭdvacca. Jašče raz padkreślivaju: brydka i niavarta. Lepš siadzieła b i nie vyłaziła. Hetym samym jana pierakreśliła ŭsio toje, što jana rabiła i dla Hiermanii, i dla Jeŭrapiejskaha Sajuza. A my da jaje stavilisia surjozna. I Rasija da jaje staviłasia surjozna. Ale, jak bačycie, pamylilisia. Jana akazałasia takoj ža drobiaznaj, jak usie siońniašnija lidary Jeŭropy», — padkreśliŭ Alaksandr Łukašenka.
***
«Minskija pahadnieńni 2014 hoda byli sprobaj dać čas Ukrainie. Jana taksama vykarystała hety čas, kab stać macniejšaj, jak vy možacie bačyć siońnia. Ukraina 2014/15 — heta nie Ukraina siońnia», — zajaviła Mierkiel u sieradu, pryvioŭšy ŭ jakaści prykładu bai za Debalcava ŭ Danieckaj vobłaści ŭ 2015 hodzie.
«I ja vielmi sumniavajusia, što tady krainy NATA mahli zrabić stolki, kolki robiać ciapier dla dapamohi Ukrainie», — dadała eks-kancler.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1111
Kamientary