Vypusknikam licejaŭ chočuć dazvolić pastupać u VNU biez ekzamienaŭ
Pra toje, što za lhotnuju normu płanujuć uvieści i kaho jana zakranie, raskazaŭ na sustrečy z baćkami budučych abituryjentaŭ, jakaja prachodziła 13 śniežnia ŭ BDTU, ministr adukacyi Andrej Ivaniec, pieradaje ahienctva «Minsk-Naviny».
Pa słovach Ivanca, Ministerstva adukacyi maje namier «raźvivać licejskuju madel adukacyi». Heta nazvali «treciaj prystupkaj atrymańnia ahulnaj siaredniaj adukacyi». Na siońniašni dzień u Biełarusi naličvajecca 18 licejaŭ, i ich kolkaść moža vyraści ŭ najbližejšy čas.
A Minadukacyi płanuje zakłaści novuju normu: vypuskniki licejaŭ pry ŭstanovach vyšejšaj adukacyi mohuć pastupić u adpaviedny ŭniviersitet pa sumoŭi. Praŭda, tolki pry peŭnych umovach: ich paśpiachovaść pa ŭsich pradmietach pavinna być nie nižejšaja za 8 bałaŭ, a pa profilnych — nie nižejšaja za 9.
Śpis licejaŭ, jakich budzie datyčyć novaŭviadzieńnie, nieŭzabavie vyznačyć Minadukacyi.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary