Vyzvaleńnie Mielitopala Zaparožskaj vobłaści moža być «nastupnym važnym etapam» deakupacyi poŭdnia Ukrainy, piša vydańnie.
«Ukraina naroščvaje namahańni ŭ izalacyi i pasłableńni rasijskich sił u stratehična važnym horadzie Mielitopal i vakoł jaho napiaredadni taho, što, jak čakajecca, stanie nastupnym važnym etapam vajny, — ukrainskaha nastupu z metaj vycieśnić rasijskija vojski z poŭdnia Ukrainy», zaznačaje vydańnie.
NYT piša, što USU vykarystoŭvajuć, u pryvatnaści, vysokadakładnyja rakietnyja ŭdary vialikaj dalokaści i dyviersijnyja mierapryjemstvy, kab uziać pad kantrol stratehična važny horad, raźmieščany na skryžavańni dźviuch aŭtamahistralaŭ i čyhunačnaj linii, jakaja złučaje Rasiju z akupavanym Krymam i inšymi zachoplenymi terytoryjami na poŭdni Ukrainy.
NYT paviedamlaje, što Mielitopal jość klučavym vuzłom, i adnaŭleńnie kantrolu nad im moža dapamahčy ŭkrainskim abaroncam viarnuć pad svoj kantrol nie tolki ŭsiu Zaparožskuju vobłaść, ale i astatniuju častku susiedniaj Chiersonskaj vobłaści. Heta patencyjna moža navat adkryć šlach dla vyciaśnieńnia rasijskich vojskaŭ nazad u akupavany Krym.
Tak, 10—11 śniežnia naniesienyja ŭdary pa troch abjektach Mielitopala i Mielitopalskaha rajona.
Mer horada Ivan Fiodaraŭ paviedamiŭ, što byŭ źniščany rasijski błokpost i radyjołakacyjnaja stancyja. Akramia taho, naniesienyja ŭdary pa haścinična-restarannym kompleksie ŭ vakolicach Mielitopala, dzie pastajanna pražyvała analityčnaje padraździaleńnie rasijskaj FSB.
Kamientary