Вызваленне Мелітопаля Запарожскай вобласці можа быць «наступным важным этапам» дэакупацыі поўдня Украіны, піша выданне.
«Украіна нарошчвае намаганні ў ізаляцыі і паслабленні расійскіх сіл у стратэгічна важным горадзе Мелітопаль і вакол яго напярэдадні таго, што, як чакаецца, стане наступным важным этапам вайны, — украінскага наступу з мэтай выцесніць расійскія войскі з поўдня Украіны», зазначае выданне.
NYT піша, што УСУ выкарыстоўваюць, у прыватнасці, высокадакладныя ракетныя ўдары вялікай далёкасці і дыверсійныя мерапрыемствы, каб узяць пад кантроль стратэгічна важны горад, размешчаны на скрыжаванні дзвюх аўтамагістраляў і чыгуначнай лініі, якая злучае Расію з акупаваным Крымам і іншымі захопленымі тэрыторыямі на поўдні Украіны.
NYT паведамляе, што Мелітопаль ёсць ключавым вузлом, і аднаўленне кантролю над ім можа дапамагчы ўкраінскім абаронцам вярнуць пад свой кантроль не толькі ўсю Запарожскую вобласць, але і астатнюю частку суседняй Херсонскай вобласці. Гэта патэнцыйна можа нават адкрыць шлях для выцяснення расійскіх войскаў назад у акупаваны Крым.
Так, 10—11 снежня нанесеныя ўдары па трох аб'ектах Мелітопаля і Мелітопальскага раёна.
Мэр горада Іван Фёдараў паведаміў, што быў знішчаны расійскі блокпост і радыёлакацыйная станцыя. Акрамя таго, нанесеныя ўдары па гасцінічна-рэстаранным комплексе ў ваколіцах Мелітопаля, дзе пастаянна пражывала аналітычнае падраздзяленне расійскай ФСБ.
Цяпер чытаюць
Хто забараняе ў Беларусі кнігі — вось гэтыя 22 чалавекі14
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары