Avijakampanii Biełarusi i Rasii damovilisia lotać «trochkutnikami»
Rasijskija i biełaruskija avijakampanii zmohuć vykonvać pasažyrskija rejsy pamiž dźviuma krainami pa schiemie «trochkutnika», u tym liku ŭnutranyja pieraloty. Pra heta damovilisia ŭłady abodvuch dziaržaŭ, havorycca na sajcie «Rasavijacyi».
Arhanizacyja palotaŭ pa schiemie «trochkutnik» aznačaje, što avijakampanija adnoj krainy budzie ździajśniać nie tolki mižnarodnyja rejsy ŭ inšuju krainu, ale i ŭnutranyja pieraloty pa jaje terytoryi.
Tak, «Biełavija» zmoža lotać nie tolki ź Biełarusi ŭ Rasiju i nazad, ale i pa nastupnym maršrucie: ź Minska — u Maskvu, z Maskvy — u inšy horad Rasii, a adtul nazad u Minsk.
U biahučym zimovym siezonie, jaki dziejničaje ź listapada pa krasavik, avijakampanii Biełarusi i Rasii buduć ździajśniać pieraloty z častatoj 63 rejsy na tydzień. Pry hetym dla rejsaŭ pa schiemie «trochkutnik» plačo Minsk — Maskva (i naadvarot) budzie ličycca jak 0,5 častaty.
Ciapier pramyja rejsy pamiž dźviuma stalicami vykonvajuć rasijskija pieravozčyki «Aerafłot» dy «Pobieda» i biełaruskaja «Biełavija».
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary