Biełarusbank vyrašyŭ vykazacca pa temie, jakaja ŭ apošnija dni mocna ŭschvalavała hramadskaść: prypynieńnie vydačy lhotnych kredytaŭ na žyllo.
Biełarusbank vyrašyŭ vykazacca pa temie, jakaja ŭ apošnija dni mocna ŭschvalavała hramadskaść: prypynieńnie vydačy lhotnych kredytaŭ na žyllo. Aficyjny adkaz dziaržbanka byŭ vytrymany ŭ lepšych tradycyjach saŭka.
«Kredyty pradastaŭlajucca fizičnym asobam pa ŭsich ukazach prezidenta. Tut niama nijakaha ažyjatažu. Apłata pa kredytach idzie. Prypynieńnia vydačy kredytaŭ nie było», — zajaviŭ žurnalistam dyrektar departamienta kredytavańnia nasielnictva AAT «ASB Biełarusbank» Uładzimir Ramančuk, słovy jakoha cytuje BiełTA.
Svaju zajavu pradstaŭnik Biełarusbanka padmacavaŭ ładnaj porcyjaj statystyki, jakaja nijakim čynam nie vyśviatlaje situacyju sa spynieńniem vydačy kredytaŭ.
Vychodzić, što chłusiać ŭsie: i hramadzianie, jakija nie mohuć apłacić čarhovy ŭznos, čakajučy miłaści z boku banka; i lhotniki, jakija narešcie dačakalisia svajoj čarhi, ale byli prosta pasłanyja bankam; i presa, jakaja vieryć ŭsiamu dziela smažanych navin; i pradstaŭniki Nacbanka, jakim daviałosia za apošni miesiac vytrymać škvał zvankoŭ ad pasłanych Biełarusbankam hramadzian.
Chłusić navat pres‑słužba samoha Biełarusbanka,zajavu jakoj apublikavała hazieta «Kamsamolskaja praŭda ŭ Biełarusi»: «Da 25 kastryčnika budzie prapracoŭvacca pytańnie ab tym, jak znoŭ prystupić da vypłataŭ».
Jak usio prosta ŭ krainie z dyktaturaj zakonnaści. Vyjšaŭ pradstaŭnik banka z zahadzia padrychtavanym adkazam i, abvinavaciŭšy ŭsich ŭ iłžy, daŭ zrazumieć, što adziny bieły i pušysty piersanaž hetaha skandału — Biełarusbank.
Skandał byŭ vyhadny Biełarusbanku, jaki na hetym tydni adnaviŭ vydaču kredytaŭ i apłatu kredytnych tranšaŭ. Praz paru tydniaŭ tema zahłuchnie na fonie radasnaha likavańnia ilhotnikaŭ, što damahlisia hrošaj.
Ale pry hetym dasiahnutaja i hałoŭnaja meta — Dziaržbank źniziŭ vializny deficyt likvidnaści čarhovaj porcyjaj kredytaŭ Nacbanku, vydadzienych pa daručeńni ŭrada (hetakaja standartnaja apieracyja na biełaruskim rynku — uhoda RIEPO ci kaštoŭnyja papiery ŭ abmien na žyvyja hrošy).
Kamientary