Padatkaviki niezadavolenyja indyvidualnymi pradprymalnikami, jakija siabie «dyskredytavali jak instytut»
Namieśnik ministra pa padatkach i zborach Ihar Skryńnikaŭ padčas pres-kanfierencyi 27 śniežnia zajaviŭ, što za apošnija hady instytut indyvidualnych pradprymalnikaŭ u Biełarusi «dyskredytavaŭ siabie», piša Office Life. Jany mała prynosiać hrošaj u biudžet i stvarajuć pracoŭnych miescaŭ, choć nibyta pavinny.
Namieśnik ministra nahadaŭ, što abjom padatkaŭ u dziaržbiudžet ad pradprymalnikaŭ apošnija hady stabilny i składaje ad 2 da 2,5% usich pastupleńniaŭ, jakija kantralujucca padatkovymi orhanami.
«Pamier hetych pastupleńniaŭ nievialiki, ale instytut siabie dyskredytavaŭ.
Pryčym IP bolš nie majuć prava prymianiać sproščanuju sistemu padatkaabkładańnia. Padatkovyja pravierki pradprymalnikaŭ vyjavili vykarystańnie schiem sychodu ad padatkaabkładańnia, drabnieńnia biznesu, niadobrasumlennuju kankurencyju. My vyjaŭlajem takija schiemy pry kožnaj praviercy», — arhumientavaŭ namieśnik ministra.
Čynoŭnik udakładniŭ, što šmat pytańniaŭ da pradprymalnikaŭ źjaviłasia z-za bieskantrolnaha źniaćcia hatoŭki i farmiravańnia fondu «šeraha» zarobku.
«Ad pradprymalnikaŭ było šmat abiacańniaŭ: my stvorym pracoŭnyja miescy, pavialičym układ u biudžet. Ale
realnaść apošnich 10 hadoŭ kaža pra inšaje: pastupleńni ŭ biudžet — 2%, zarobki najomnych rabotnikaŭ — na ŭzroŭni biudžetu pražytačnaha minimumu. Kali baču zarobak 300-400 rubloŭ, pytajusia, jak žyvuć rabotniki na taki zarobak? U adkaz — cišynia», — skazaŭ namieśnik ministra.
Skryńnikaŭ dadaŭ: uličvajučy abjom schiem, jakija vykarystoŭvajucca, možna kazać, što pradprymalniki niedapłačvajuć padatak na prybytak, adličeńni ŭ FSAN.
«My stali masava vyjaŭlać schiemy minimizacyi padatkovaj nahruzki z udziełam arhanizavanaha biznesu. Tamu ja kažu: vy sami pierajšli rysu, my bačyli padatkovaje machlarstva», — zajaviŭ čynoŭnik.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary