Hamialčuk paskardziŭsia čynoŭniku na žudasny smurod z kvatery pamierłaha susieda. Što jamu adkazali?
Dziaržaŭnaja presa raskazvaje, ź jakimi pytańniami biełarusy źviartajucca da čynoŭnikaŭ padčas asabistych pryjomaŭ i telefonnych pramych linij. Časam jany davoli niezvyčajnyja.
Da namieśnika staršyni Homielskaha abłvykankama Andreja Baranoŭskaha dazvaniŭsia žychar abłasnoha centra.
Jak raspavioŭ mužčyna, jaho susied niadaŭna pamior. Jon šmat piŭ i składziravaŭ u pakojach kvatery śmiećcie, jakoje ciapier nievynosna śmiardzić. Ciapier dźviery zapiačatanyja. Svajaki ŭ spadčynu ŭstupać admaŭlajucca, na kvatery šmat daŭhoŭ.
Čynoŭnik Baranoŭski spasłaŭsia na zakanadaŭstva i zahadaŭ ciarpieć. Jon zajaviŭ, što isnujuć sanitarnyja normy, tamu da vyrašeńnia prablemy buduć pryciahnutyja sansłužba i kamunalniki, jakija buduć praviarać padjezd na adpaviednaść narmatyvam.
Ale ŭskryvać kvateru nielha, bo heta pa-raniejšamu pryvatnaja ŭłasnaść. Kali projdzie paŭhoda, i ŭ spadčynu nichto nie ŭstupić, žyllo budzie adčužanaje na karyść dziaržavy, tady ŭ dziaržsłužbaŭ budzie poŭnaje prava navieści ŭ im paradak.
Ciapier čytajuć
57‑hadovuju ŭradženku Vińnicy asudzili za kamientary ŭ telehramie. Siabie jana nazyvała «ŭkrainkaj z akupavanaha Minska»3
Kamientary