Vialikaje žury Ńju-Jorka prahałasavała za vystaŭleńnie 30 kryminalnych abvinavačańniaŭ Trampu. Jaho mohuć aryštavać u aŭtorak
Vialikaje žury prysiažnych Manchetena prahałasavała za zaćviardžeńnie abvinavaŭčaha zaklučeńnia ŭ dačynieńni da byłoha prezidenta ZŠA Donalda Trampa. Heta pieršy vypadak vystaŭleńnia kryminalnych abvinavačańniaŭ byłomu abo dziejnamu prezidentu Złučanych Štataŭ, pieradaje currenttime.tv.
U ofisie akruhovaha prakurora Manchetena Ełvina Breha zajavili, što źviazalisia z advakatam Trampa, kab uzhadnić jaho pieradaču ŭ prakuraturu Manchetena dla vystaŭleńnia abvinavačańnia pa abvinavaŭčym zaklučeńni. Były prezident ZŠA moža źjavicca dla vystaŭleńnia abvinavačańnia ŭ aŭtorak, 4 krasavika.
Moža być, što były prezident paśla zatrymańnia budzie dastaŭleny ŭ zału suda ŭ kajdankach, u jaho voźmuć adbitki palcaŭ i sfatahrafujuć, paśla čaho adbudziecca pieršaje słuchańnie pa spravie.
Sam Tramp zajaviŭ, što «heta palityčny pieraśled i ŭmiašańnie ŭ vybary na samym vysokim uzroŭni ŭ historyi».
Detali abvinavaŭčaha zaklučeńnia buduć apublikavanyja paśla źjaŭleńnia Donalda Trampa ŭ sudzie, dzie jamu buduć aficyjna vystaŭleny abvinavačańni. Pavodle źviestak krynic CNN, Trampa mohuć datyčyć bolš za 30 punktaŭ abvinavačańnia, źviazanych z machlarstvam.
Viadoma, što adno z rasśledavańniaŭ tyčycca spravy ab vypłacie 130 tysiač dalaraŭ za maŭčańnie pornaaktrysie Stormi Deniełs, jakaja śćviardžała, što ŭ jaje byŭ raman z Trampam. Sam Tramp hetyja abvinavačańni adchilaje. Pavodle materyjałaŭ spravy, Tramp falsifikavaŭ padatkovyja dakumienty, uniosšy sumu, vypłačanuju Deniełs, jak vydatki na jurydyčnyja pasłuhi, što pavodle ńju-jorkskich zakonaŭ źjaŭlajecca pravaparušeńniem.
U listapadzie 2022 hoda Donald Tramp abviaściŭ ab vyłučeńni svajoj kandydatury ad Respublikanskaj partyi na vybarach kiraŭnika dziaržavy ŭ 2024 hodzie. Vystaŭleńnie abvinavačańniaŭ farmalna nie pavinna pieraškodzić jamu vieści pieradvybarnuju kampaniju.
U hety momant Donald Tramp źjaŭlajecca abjektam, prynamsi, jašče dvuch rasśledavańniaŭ, jakija mohuć zaviaršycca vystaŭleńniem jamu kryminalnych abvinavačańniaŭ. Fiederalnaja prakuratura rasśleduje jaho abychodžańnie z sakretnymi dakumientami, jakija byli niezakonna vyviezienyja ź Biełaha doma i vyjaŭlenyja ŭ rezidencyi Trampa ŭ Fłarydzie. A akruhovy prakuror u Džordžyi viadzie rasśledavańnie pa padazreńni ŭ sprobie Donalda Trampa paŭpłyvać na vynik prezidenckich vybaraŭ u Džordžyi.
Tramp zajaviŭ, što čakaje ŭłasny aryšt na nastupnym tydni — CNN
«Maliciesia». Donald Tramp prakamientavaŭ raźmiaščeńnie jadziernaj zbroi ŭ Biełarusi
Kampaniju Donalda Trampa pryznali vinavataj u machlarstvie z padatkami
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary