U rajcentry Zelva na Hrodzienščynie na prodaž vystavili vadziany młyn, pabudavany jašče ŭ XIX stahodździ. Jon znachodzicca ŭ malaŭničym miescy kala raki Zelvianki i bujnoha vadaschovišča, i ŭsiaho za 10 chvilin pieššu da centra haradskoha pasiołka.
Były młyn možna pierarabić u ahrasiadzibu abo haścinicu — pamiery (150 kv.m.) i try pavierchi z haryščam heta dazvalajuć. Taksama da budynka prylahaje ŭčastak u 50 sotak.
Budynak znachodzicca ŭ zručnym miescy, pobač prachodziać aŭtamabilnaja daroha i čyhunka. Ale choć kamiennaja pabudova jašče mocnaja, ukłaści ŭ jaje adnaŭleńnie daviadziecca niamała.
Raniej były młyn užo sprabavali pryvieści ŭ paradak, adnak u papiaredniaha ŭładalnika nie chapiła na heta mahčymaściaŭ. Za nieruchomaść jon choča ŭsiaho 30000 rubloŭ.
U śpis historyka-kulturnych kaštoŭnaściaŭ były młyn nie ŭniesieny, tamu budučy haspadar moža rabić ź im usio, što paličyć patrebnym.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary