U papularnaj prahramie dla vyvučeńnia moŭ Duolingo znajšli niebiaśpiečny niedachop
Jon dazvalaje atrymać šmat źviestak pra luboha karystalnika pa jaho email.
Na heta słaboje miesca prahramy źviarnuli ŭvahu jašče ŭ lutym, kali ŭ prodažy źjavilisia źviestki miljonaŭ karystalnikaŭ płatformy, a niadaŭna źjaviŭsia repazitoryj na Github, jaki spraščaje ich vykarystańnie.
Sutnaść u tym, što kali vy adkryjecie spasyłku https://www.duolingo.com/2017-06-30/users?email=*elektronnaja pošta karystalnika*, to atrymajecie nastupnyja źviestki pra jaho:
- juziernejm i imia, jakija jon ukazaŭ;
- krainu, jakuju jon paznačyŭ u profili;
- datu rehistracyi akaŭnta;
- ci pryviazany Facebook abo Google ID da Duolingo;
- ci pryviazany numar telefona da staronki;
- jakija movy vyvučaje i nakolki daloka prasunuŭsia;
- jakuju movu vyvučaje ciapier;
- ci byŭ anłajn apošnim časam;
- kolki dzion zapar zajmajecca;
- dla niekatorych karystalnikaŭ — moža pakazać, što jany karystajucca ajfonam;
- šerah słužbovych natatak, da prykładu, ci maje čałaviek pravy maderatara abo źjaŭlajecca «hłabalnym ambasadoram Duolingo».
Čym niebiaśpiečnyja źviestki, jakija daje heta niedaskanałaść Duolingo?
Pa-pieršaje, heta prosta śviedčańnie taho, što kampanija, jakaja vałodaje Duolingo, słaba kłapocicca pra piersanalnyja źviestki karystalnikaŭ. Praź miesiacy paśla taho, jak pra niedachop stała viadoma, jaho nie vypravili — nieviadoma, jakija jašče siurpryzy i niedaskanałaści mohuć čakać napieradzie.
Pa-druhoje, badaj, hałoŭnaja niebiaśpieka — viedajučy tolki email, možna daviedacca davoli šmat pra luboha karystalnika servisu. Da prykładu, heta mahčymaść vyznačyć łakalizacyju čałavieka i daviedacca jahony niknejm. U servisach nakštałt Duolingo ludzi redka zadumvajucca pra biaśpieku svaich źviestak, a viedańnie hetaj infarmacyi moža vielmi šmat skazać pra čałavieka.
Što rabić, kab abaranicca ad takich uciečak?
Paznačajcie va ŭsich servisach jak maha mienš vašych praŭdzivych źviestak i nie źviazvajcie ich ź inšymi servisami. Da prykładu, zamiest realnaha imia paznačcie vydumanaje, a ŭ jakaści imia karystalnika abiarycie niešta zusim nie źviazanaje z vami. Taksama nie paznačajcie sapraŭdnuju krainu pražyvańnia.
Majcie chacia b dva imejły: adzin dla pierapiski i inšych bolš važnych spraŭ, a druhi — dla rehistracyi ŭ roznych servisach. Druhi musić być maksimalna adviazany ad vašaj asoby, tady ŭ vypadku «źlivu» stanie dastupny tolki vaš «zabaŭlalny» email, pa jakim budzie składana vas adšukać.
«Naša Niva» — bastyjon biełaruščyny
PADTRYMAĆJak zarehistravać ananimnyja akaŭnty ŭ Telegram, sacsietkach i inšych miesiendžarach — padrabiazny hajd
Skandał z Twitter: chakiery zajavili, što zavałodali danymi 400 miljonaŭ karystalnikaŭ. Čym heta pahražaje biełarusam i što rabić?
Źjaviłasia infarmacyja pra ŭzłom abaronienaha miesiendžara Signal. Jakuju infarmacyju atrymali chakiery i jak abaranicca ad takoha ŭzłomu?
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary